ភ្នំពេញ ៖ បុរសញៀនថ្នាំម្នាក់ ដែលទើបតែចេញពីពន្ធនាគារបាន៦ថ្ងៃ កើតជម្លោះជាមួយប្រពន្ធ ហើយចាប់អារកប្រពន្ធរហីតស្លាប់ក្នុងថ្លុកឈាម ហើយជនបង្កជាប្តីព្យាយាម អារក ខ្លួនឯង បង្កឲ្យភ្ញាក់ផ្អើល កាលពីវេលាម៉ោង៦ព្រឹក ថ្ងៃទី៧ ខែវិច្ឆិកា ឆ្នាំ២០១៧ ស្ថិតនៅតាមផ្លូវលំ ក្រុម៥ ផ្ទះលេខ៨៩៩ បន្ទប់ជួល២បេ ជាន់ទី១ ភូមិថ្មគោល១ សង្កាត់ចោមចៅ២ ខណ្ឌពោធិសែនជ័យ ។
ជនសង្ស័យជាប្តីមានឈ្មោះ ចាន់ ជីវី អាយុ៣០ឆ្នាំ ជាមនុស្សញៀនថ្នាំ ទើបចេញពីពន្ធនាគារ បាន៦ថ្ងៃ ជាប់ពីបទ គ្រឿងញៀន ។
ប្រពន្ធ ស្លាប់ក្នុងថ្លុកឈាមដោយសារប្តីចាប់អារក មិនទាន់ស្គាល់ឈ្មោះ គ្រាន់តែដឹងថា ដើរស៊ីឈ្នួលចាក់នំគ្រួកឲ្យគេក្នុងភូមិ ។
តាមសម្តីឈ្មោះ ពេញ សុខហេង អាយុ៥៦ឆ្នាំ ជាម្ចាស់ផ្ទះជួលខាងលើ ស្នាក់នៅផ្ទះកើតហេតុ និងមានស្រុកកំណើត ភូមិគគីធំ ឃុំគគីធំ ស្រុកកៀនស្វាយ បានឲ្យដឹងថា ប្តីប្រពន្ធខាងលើទើបតែមកជួលបន្ទប់ផ្ទះគាត់បាន៦ថ្ងៃ ស្រាប់តែ នៅវេលាម៉ោង៦ព្រឹក ជនសង្ស័យជាប្តី កើតមានជម្លោះជាមួយប្រពន្ធ ឮសូរ សម្លេងវាយពេញបន្ទប់ ផ្អើលប្រជាពលរដ្ឋ ក្បែរឡើងទៅមើលស្រាប់តែជនជនសង្ស័យ កាន់កាំបិត២ កូនកាំបិត១ និងបុ័ងតោ១ គំរាមកាប់មកលើពលរដ្ឋ បើអ្នកណាហ៊ានចូលក្បែរ ទើបបង្កឲ្យឆោឡោ ផ្អើលទាំងសមត្ថកិច្ច ប្រជាពលរដ្ឋ ឡើងទៅជួយអន្តរាគមន៍ តែស្ត្រីជាប្រពន្ធត្រូវបានជនសង្ស័យ ចាប់អារកស្លាប់ក្នុងថ្លាកឈាមបាត់ទៅហើយ ហើយជនសង្ស័យ គំរាមកាប់មកលើសមត្ថកិច្ចទៀត ទើបសមត្ថកិច្ចឈានដល់ផ្ទុះអាវុធ ១គ្រាប់ ដើម្បីគំរាមបញ្ឈប់សកម្មភាព ជនសង្ស័យមិនខ្លាច មិនញញើត ស្រែកឲ្យសមត្ថកិច្ច បាញ់ប្រហារជីវិតគេចោលទៅ ទីបំផុតជនសង្ស័យ លោតពីលើដំបូលផ្ទះមកដី បណ្តាលឲ្យរងរបួសធ្ងន់ ទើបចាប់ខ្លួនបាន ។
បើតាមការឲ្យដឹងពីឈ្មោះ ជុំ រី អាយុ៦៧ឆ្នាំ ដែលត្រូវជាម្តាយបង្កើតរបស់ជនសង្ស័យ ស្នាក់នៅបន្ទប់ជួលក្បែរគ្នា បានឲ្យដឹងថា កូនប្រុសគាត់ រូបនេះញៀនថ្នាំ ទើបតែចេញពីពន្ធនាគារ ពីបទគ្រឿងញៀន បាន៦ថ្ងៃ ហើយមកជួលបន្ទប់ស្នាក់នៅខាងលើ ចំណែកស្ត្រីជាប្រពន្ធ កូនប្រុសគាត់ យកគ្នាដោយចិត្តឯងទេ ទើបគាត់មិនទាន់បានស្គាល់ឈ្មោះ ។
ក្រោយកើតហេតុ ករណីឃាតកម្ម ប្តីអារកសម្លាប់ប្រពន្ធខាងលើ បណ្តាលឲ្យស្លាប់ក្នុងថ្លុកឈាម ហើយអារក ចាក់ សម្លាប់ខ្លួនឯង មិនបានសម្រេច លោតទម្លាក់ពីលើផ្ទះ សមត្ថកិច្ចចុះទៅអន្តរាគមន៍ ហើយកំពុងសាកសួរ បំភ្លឺពីពលរដ្ឋជិតខាង ៕ ដោយ៖កូឡាប
