វីដេអូដែលកំពុងរីករាល បង្ហាញឲ្យឃើញបុរសម្នាក់ឡើងតម្លើងម៉ាស៊ីនត្រជាក់ ស្ថិតនៅខាងក្រៅនៃបង្អួចផ្ទះល្វែងដ៏ខ្ពស់មួយកន្លែង នៅក្នុងប្រទេសចិន បានធ្វើឲ្យអ្នកលេងអ៊ីនធើរណេតបានឃើញហើយស្រៀវសាច់បុកពោះជំនួសជាខ្លាំង ។
ឃ្លីបវីដេអូដែលត្រូវបានគេជឿថាថតដោយអ្នករួមការងារម្នាក់ បានបង្ហាញឲ្យឃើញជាងម៉ាស៊ីនត្រជាក់ម្នាក់ ធ្វើសកម្មភាពតម្លើងម៉ាស៊ីនត្រជាក់ នៅខាងក្រៅផ្ទះអតិថិជនម្នាក់ ដោយអង្គុយច្រហោងនៅលើឆ្នឹមបង្អួចទទឹងប្រហែល ៣០ សង់ទីម៉ែត្រ ប៉ុណ្ណោះ ។ ប៉ុន្តែ អ្វីដែលធ្វើឲ្យមនុស្សគ្រប់គ្នាស្រៀវជំនួសបំផុត គឺត្រង់ថា បុរសដែលមានស្មារតីរឹងមាំរូបនេះ ពុំបានប្រើប្រាស់ឧបករណ៍ជំនួយ ដើម្បីបំពាក់នឹងដងខ្លួនការពារពីគ្រោះថ្នាក់ដែលអាចកើតឡើងជាយថាហេតុណាមួយនោះទេ ៕ ឧត្តម
