កំពង់ឆ្នាំង ៖ មានឧប្បត្តិហេតុគ្រោះថ្នាក់ចរាចរណ៍មួយបង្ករឡើងដោយរថយន្តម៉ាកតូយ៉ូតាកាមរីបាឡែន មួយគ្រឿង
រេចង្កូតទៅបុកបង្កាន់ដៃស្ពានក្រឡាប់ធ្លាក់ចូលទៅក្នុងប្រឡាយ។
ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោងជាង៧យប់ថ្ងៃទី១២ ខែវិច្ឆិកា ឆ្នាំ២០១៧ នៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ៧២ – ៧៣ក្នុងភូមិត្រពាំងក្រពើ ឃុំទឹកហូត ស្រុករលាប្អៀរ ខេត្តកពង់ឆ្នាំង។
សមត្ថកិច្ចបានអោយដឹងថា ជនរងគ្រោះ ១.ឈ្មោះ ផាន់ ពៅ ភេទស្រី អាយុ៥៣ឆ្នាំ ស្លាប់ ២.ឈ្មោះ គន់ បុប្ផា ភេទស្រី អាយុ៤៧ឆ្នាំ ស្លាប់ ៣.ឈ្មោះ ច័ន្ទ មុន្នី ភេទស្រី អាយុ៥៧ឆ្នាំ រងរបួសធ្ងន់ និង ៤.ឈ្មោះអ៊ុក សុថារី ភេទស្រី អាយុ៥៦ឆ្នាំ ជនរងគ្រោះទាំងអស់រស់នៅរាជធានីភ្នំពេញ ។
សមត្ថកិច្ចបានអោយដឹងទៀតថា នៅមុនពេលកើតហេតុ មានរថយន្តមួយគ្រឿងម៉ាកតូយ៉ូតា កាមរីបាឡែន ពាក់ស្លាកលេខភ្នំពេញ2O-9172 ធ្វើដំណើរក្នុងទិសដៅពីជើងទៅត្បូង នៅពេលមលដល់ចំណុចកើតហេតុ រថយន្តបានរេចង្កួតទៅបុកបង្កាន់ដៃស្ពាន ក្រឡាប់ជាច្រើនត្រឡប់ បណ្តាលជនរងគ្រោះស្លាប់និងរងរបួសតែម្តង៕ ដោយ៖ ចៅ សន
