នេះជាខណៈពេលដ៏ស្លុតរន្ធត់ និងហួសចិត្តបំផុតមួយ ដែលបុរសម្នាក់ត្រូវសន្លប់ស្តូកស្តឹងភ្លាមៗ (ពុំដឹងរស់ថាឬស្លាប់) បន្ទាប់ពីជិះម៉ូតូបើកលឿនដូចហោះ ដោយមិនប្រយ័ត្ននឹងរថយន្តគេឆ្លងផ្លូវខាងមុខ ដែលជាហេតុនាំឲ្យចាប់ហ្វ្រាំងពុំទាន់ និងជ្រុលទៅបុកនឹងរថយន្តយ៉ាងពេញទំហឹងតែម្តង ។
តាមរយៈវីដេអូឃ្លីបចែករំលែក បានបង្ហាញឲ្យឃើញមុនពេលកើតហេតុដ៏រន្ធត់នេះ រថយន្តតូច១គ្រឿងបានបើកឆ្លងផ្លូវសន្សឹមៗ ។ ប៉ុន្តែ នៅពេលរថយន្តនោះ ឆ្លងផ្លូវជិតដល់ពាក់កណ្តាលថ្នល់ទៅហើយ ស្រាប់តែម៉ូតូ១គ្រឿងដែលបើកបរលឿនដូចហោះដោយបុរសម្នាក់ដែលពុំប្រុងប្រយ័ត្ន ក៏បានបុកនឹងផ្នែកចំហៀងខាងឆ្វេងរថយន្តនោះយ៉ាងពេញទំហឹង បណ្តាលឲ្យបុរសនោះផ្លោងផ្ទប់នឹងរថយន្ត និងធ្លាក់ដីបត់.កសន្លប់ស្តូកស្តឹងភ្លាមៗតែម្តង ដោយពុំដឹងថាស្លាប់ ឬ នៅរស់នោះទេ ។
ហេតុការណ៍គ្រោះថ្នាក់ចរាចរណ៍ដ៏រន្ធត់នេះ ត្រូវបានដឹងថា បានកើតឡើងនៅក្នុងប្រទេសចិន ៕ ឧត្តម
