បុរសមិនស្គាល់អត្តសញ្ញាណវ័យពាក់កណ្តាលអាយុម្នាក់ ត្រូវបានគេថតបានគួរឲ្យអាម៉ាស់ ខណៈពេលកំពុងព្យាយាមបៀតបៀនផ្លូវភេទក្មេងស្រីជំទង់ស្រស់ស្អាតម្នាក់ ពីខាងក្រោយខ្នងនាង នៅក្នុងព្រឹត្តិការណ៍តាំងពិព័រណ៍មួយ នៅ Chuchura Handlum Mela ស្ថិតក្នុងរដ្ឋ Wes Bengal ប្រទេសឥណ្ឌា កាលពីថ្ងៃទី៦ មិថុនា ។
វីដេអូនៃហេតុការណ៍ដ៏ហួសចិត្តបំផុតនេះ ត្រូវបានគេបង្ហោះឡើងបណ្តាញសង្គម និងទទួលការជេរប្រមាថយ៉ាងខ្លាំងក្លា ពីសំណាក់មនុស្សបញ្ចេញកំហឹងជាច្រើន ហើយពួកគេក៏បានស្នើប៉ូលីសចាត់វិធានការណ៍ឲ្យបានចាស់ដៃ ទៅលើបុរសរូបនេះ ដើម្បីជាការព្រមានកុំឲ្យប្រព្រឹត្តទង្វើមិនសមរម្យបែបនេះទៀត ។
ក្នុងវីដេអូឃ្លីបបានបង្ហាញឲ្យឃើញបុរសតណ្ហាក្រាស់កញ្ចាស់ក្បាលរូបនេះ បានឈរនៅជាប់ពីខាងក្រោយក្មេងស្រីជំទង់ស្លៀកសំពត់ខ្លីម្នាក់ ដែលកំពុងឈរទស្សនាការជិះកម្សាន្តជាមួយម្តាយរបស់នាង នៅក្នុងពិព័រណ៍នេះ ។ បុរសនេះបន្ទាប់មក បានយកខ្លួនទៅផ្អឹបនឹងគូទរបស់នាង រួចព្យាយាមបៀតបៀនផ្លូវភេទតែម្តង ។ ទង្វើដ៏កំហូចរបស់បុរសនេះ បានបន្តជាច្រើនលើក ក្នុងរយៈពេលជិត១នាទី ទើបនាងដឹងខ្លួន ។
បុរសរូបនេះ បានបង្ហាញឥរិយាបទហាក់ធ្វើពុំដឹងអ្វីៗកើតឡើង បន្ទាប់ពីក្មេងស្រីរងគ្រោះបានប្រតិកម្ម ហើយនាងក៏បានចាកចេញពីគាត់ផងដែរ ៕ ឧត្តម
