បើតាម Sputniknews ក្នុងកិច្ចសម្ភាន៍មួយជាមួយកាសែត Daily Mail លោកDonald Trump បានស្ងើចសរសើរមេដឹកនាំកូរ៉េ Kim Jong-un ជាបុរសដ៏ឆ្លាតវៃ កំប្លែង រឹងមាំ និងមានបុគ្គលិកលក្ខណៈល្អ។
ប្រធានាធិបតីអាមេរិកDonald Trump និងមេដឹកនាំកូរ៉េ Kim Jong-un
ក្នុងកិច្ចសម្ភាសន៍ដែលត្រូវបានប្រកាសជាសាធារណៈនៅយប់ថ្ងៃទី១៤កក្កដា ម្ចាស់សេតវិមានលើកឡើងច្បាស់ៗថា គាត់ឆ្លាតវៃណាស់ មានបុគ្គលិកលក្ខណៈល្អ គាត់កំប្លុកកំប្លែង តែមុតមាំ គឺជាអ្នកចរចាពូកែម្នាក់។ លោកបានមានប្រតិកម្មពេលអ្នកសម្ភាសន៍ហៅលោកKim Jong-unថា«មនុស្សផ្ដាច់ការ ព្រៃផ្សៃ» ប្រធានាធិបតីអាមេរិកនិយាយថាៈ« ពិតណាស់ គាត់គឺដូច្នេះមែន គាត់ព្រៃផ្សៃ ប៉ុន្ដែមានមនុស្សច្រើនផ្សេងទៀតក៏ដូចគ្នាដែរ»។
លោក Trump នៅសង្កត់បន្ថែមថា មានអ្នកនយោបាយច្រើន…«ព្រៃផ្សៃ» ប៉ុន្ដែអ្នក(អ្នកសម្ភាសន៍)បែរជាពុំនិយាយបែបនេះ!៕
សូយន