ក្រុមហ៊ុនទើបបង្កើតថ្មីនៅជ្រលង Silicom (តំបន់ស្រាវជ្រាវវិទ្យាសាស្ត្រទំនើបអាមេរិក) កំពុងអភិវឌ្ឍន៍រថយន្តហោះហើរបាន ជាមួយនឹងមហិច្ឆតាជួយមនុស្សគ្រប់ៗរូប អាចទទួលបាននូវអារម្មណ៍ជាអ្នក… បើកបរយន្តហោះ ។
រថយន្តហោះមានឈ្មោះថា Blackfly ចលនាដោយអគ្គិសនី ហើយខាងក្នុងមានកៅអីតែមួយប៉ុណ្ណោះ ។ Blackfly ប្រើប្រាស់នូវគ្រឿងយន្តល្បឿនលឿនបំផុត តែមានទម្ងន់ដ៏ស្រាល ជាហេតុធ្វើឲ្យវាស៊ីថាមពលតិចជាងប្រៀបនឹងពពួករថយន្តអគ្គិសនីជំនាន់មុន ។
Blackfly អាចជាយានជំនិះពេញនិយមថ្ងៃអនាគត ។
Blackfly មានទម្ងន់ប្រមាណ ១៤១ Kg មានប្រព័ន្ធរុញច្រានចំនួន ៨ តម្រៀបគ្នាបណ្តោយស្លាបសងខាង ជួយឲ្យវាហោះឡើងលើ និងចុះសំចតបានយ៉ាងអស្ចារ្យ ។ លើរយន្តហោះនេះក៏មានបំពាក់ប្រព័ន្ធស័ត្រហោះ បង្ការករណីមានគ្រោះអាសន្ន ។
គោលគំនិតបង្កើតវានេះមានតាំងពី ៩ឆ្នាំមុនម្លេះ ហើយឥឡូវគេទើបសម្រេចបានជំហានដំបូង ៖ ហោះហើរបានចម្ងាយ ៤០គីឡូម៉ែត្រ ក្នុងល្បឿន 62km/h ។
ពេលអស់ថាមពលអគ្គិសនី អ្នកបើកអាចសាកបញ្ចូលថ្នឲ្យ Blackfly តិចបំផុត ២៥នាទី គឺអាចបន្តសកម្មភាពទៀតបានហើយ ។
គេបានហោះហើរសាកល្បងជាង ១.០០០លើកហើយ ដែលចម្ងាយផ្លូវហោះសាកល្បងគឺសរុប ១៦.០០០គីឡូម៉ែតរ លើអាកាស ។
ដើម្បីបញ្ជាវាបាន គេត្រូវការពេលវេលាណែនាំត្រឹម ៥នាទីប៉ុណ្ណោះ ។
នាយកទីចាត់ការក្រុមហ៊ុនសង្ឃឹមថា Blackfly អាចត្រូវបានដាក់លក់លើទីផ្សារនៅឆ្នាំក្រោយនេះ ។
រីឯតម្លៃវិញគឺមនុស្សភាគច្រើនមានសមត្ថភាពប្រើវា ៕ ចន្ទ្រា