វីដេអូឃ្លីបដ៏រន្ធត់ បានបង្ហាញឲ្យឃើញពួកអ្នកភូមិមួយក្រុម នៅក្នុងប្រទេសថៃ បានខិតខំប្រឹងដោយក្តីអស់សង្ឃឹមជាខ្លាំង ដើម្បីសង្គ្រោះសត្វឆ្កែ១ក្បាល ដែលកំពុងរុំរឹតយ៉ាងតឹងណែន ដោយពស់ថ្លាន់ដ៏ធំ១ក្បាល ។
នៅដំណាក់កាលនោះ សត្វឆ្កែត្រូវបានឃើញហាក់បាត់បង់ការតស៊ូរើបំរើទៅហើយ ដោយគ្រាន់តែបក់កន្ទុយរបស់វាយ៉ាងខ្សោយប៉ុណ្ណោះ ប៉ុន្តែ បុរសៗអ្នកភូមិទាំងនោះ ពុំបណ្តែតបណ្តោយឲ្យសភាពការណ៍នោះកាន់តែធ្ងន់ធ្ងរឡើយ ដោយពួកគេបានព្យាយាមជាមួយវិធីផ្សេងៗ ដើម្បីធ្វើឲ្យពស់ថ្លាន់នេះព្រលែងសត្វឆ្កែវិញ ។
បុរស២នាក់បានព្យាយាមទាញកន្ទុយវា ខណៈបុរស២នាក់ទៀត យកដំបង និងកាំបិត ទៅឆ្កឹះមាត់របស់ថ្លាន់ និងទីបំផុត ពស់ថ្លាន់នេះក៏បានព្រលែងការរុំរឹតរបស់វា ហើយសត្វឆ្កែដែលនៅតែមានជីវិត បានរត់ចេញយ៉ាងត្រដាបត្រដួសតែម្តង ៕ ឧត្តម
