ថ្មីៗនេះ នៅលើបណ្ដាញសង្គមហ្វេសប៊ុកមានការចាប់អារម្មណ៍យ៉ាងខ្លាំង ខណៈដែលម្ដាយលោក ព្រាប សុវត្ថិ បានបង្ហាញរថយន្តថ្មីសន្លាងមួយគ្រឿង ដែលជាកាដូពីសំណាស់កូនប្រុស ពោលគឺជាកាដូដែលលោក ព្រាប សុវត្ថិ ទិញជូនម្ដាយផ្ទាល់តែម្ដង ។
សម្រាប់ការបង្ហោះរបស់អ្នកម្ដាយលោក ព្រាប សុវត្ថិ នេះដែរបានធ្វើឱ្យមហាជន ក៏ដូចជាអ្នកគាំទ្រលោក ព្រាប សុវត្ថិ ជាច្រើននាក់ បានសរសើរ ព្រមទាំងស៊ែរយ៉ាងច្រើនលើសលប់ ដោយលើកឡើងថា លោក ព្រាប សុវត្ថិ ពិតជាកូនប្រុសដ៏កតញ្ញូម្នាក់ ដូចនេះហើយទើបប្រជាប្រិយភាពរបស់លោកនៅខ្លាំង និងទទួលស្គាល់ពីសំណាក់ប្រទេសជិតខាងផងដែរ ។
យោងតាមគណនីហ្វេសប៊ុកម្ដាយរបស់លោក ព្រាប សុវត្ថិ បានឱ្យដឹងយ៉ាងដូច្នេះថា «អរគុណណាស់កូនសម្លាញ់ សម្រាប់កាដូដ៏ភ្ញាក់ផ្អើលមួយនេះ» ៕ សាវុធ
