សត្វឆ្កែ ត្រូវបានគេចាត់ទុកថា ជាមិត្តល្អបំផុតរបស់មនុស្ស។ មិនដូចសត្វដដទៃឡើយ ឆ្កែមានទំនាក់ទំនងយ៉ាងជិតស្និទជាមួយមនុស្ស ហើយពួកយើងភាគច្រើនចូលចិត្តចិញ្ជឹមឆ្កែជាងសត្វណាៗ ទាំងអស់ ដោយសារតែភាពស្មោះត្រង់របស់វាជាមួយនឹងម្ចាស់។
កាលពីពេលថ្មីៗនេះ ឆ្កែមួយក្បាលបានធ្វើឲ្យអ្នកពន្លត់អគ្គិភ័យអស់សំណើចយ៉ាងខ្លាំង នៅពេលវាបានជួយពួកគេទាញរំលំដើមឈើ។
ឆ្កែចិត្តល្អមួយក្បាលនេះ បានដើរកាត់ក្រុមអ្នកពន្លត់អគ្គិភ័យដែលកំពុងតែប្រឹងទាញរំលំដើមឈើ។ ក្រុមអ្នកពន្លត់អគ្គិភ័យប្រឹងប្រែងទាញយ៉ាងខ្លាំង ហើយស្រាប់តែមានជំនួយពីឆ្កែមួយក្បាលនេះទៀតធ្វើឲ្យពួកគេកាន់តែងាយស្រួល។
បើមើលតាមវីដេអូ អ្នកពន្លត់អគ្គិភ័យទាំងនេះ កំពុងប្រឹងទាញខ្សែដែលចង់យ៉ាងតឹងជាប់នឹងដើមឈើ ហើយពួកគេក៏កំពុងត្រូវការអ្នកជួយដែរ។
ប៉ុន្តែនៅពេលឆ្កែមួយក្បាលនោះ ឃើញមានខ្សែនៅសល់ខាងចុង វាក៏បានខាំ និងជួយទាញក្រុមពន្លត់អគ្គិភ័យ ហើយទោះបីម្ចាស់វាប្រឹងទាញវាចេញ ក៏ឆ្កែនោះនៅតែតស៊ូជាមួយនឹងក្រុមអ្នកពន្លត់អគ្គិភ័យដែរ រហូតដល់ទាញដើមឈើរលំ។
គ្រប់ៗគ្នា មានការអស់សំណើចយ៉ាងខ្លាំង ដែលមានជំនួយការម្នាក់ទៀតនៅពីក្រោយពួកគេ៕ សុភ័ក្ត្រ
