កាលពី៦ឆ្នាំមុន Quach Thi Kim Phuong (កើតក្នុងឆ្នាំ១៩៩៥ បច្ចុប្បន្នរស់នៅក្នុងទីក្រុងហូជីមិញ) បានធ្វើឱ្យមានការរំជើបរំជួលនៅលើអ៊ីនធឺណិត នៅពេលនាងលាតត្រដាងរឿងវះកាត់កែសម្ផស្សរបស់នាង បន្ទាប់ពី ២១ ឆ្នាំ នៃការអាម៉ាស។ នារីក្លាហានរូបនេះ ចែករំលែករូបថតមុនពេលវះកាត់កែសម្ផស្ស ដែលពោពេញទៅដោយគុណវិបត្តិ ក៏ដូចជារូបថតភ្លាមៗក្រោយការវះកាត់ ដើម្បីជាការលើកទឹកចិត្តខ្លួនឯង និងអ្នកដែលចង់កែទម្រង់មុខ តាមរយៈការវះកាត់កែសម្ផស្ស។
ពេលនោះ ម្តាយនៅលីវវ័យ២១ឆ្នាំរូបនេះ បានប្រៀបធៀបខ្លួនឯងទៅនឹង «Thi No ចាប់ជាតិ» ព្រោះតែនាងមានរាងសំប៉ែត ចុងច្រមុះធំកំប៉ោង ស្បែកខ្មៅស្រអាប់ ថ្ពាល់ខ្ពស់ ថ្គាមរីក បបូរមាត់ក្រាស់ ស្បែកកើតមុន…ដ៏អាក្រក់។ ទាំងនេះបានធ្វើឱ្យ Kim Phuong រងទុក្ខផ្លូវចិត្តក្នុងវ័យពេញវ័យរបស់នាង និងសូម្បីតែបន្ទាប់ពីនាងបានរៀបការ។
នាងបានរំឭកថា៖ «ខ្ញុំទៅរៀនស្ទើរតែគ្មានមិត្តភ័ក្តិសោះ ព្រោះខ្ញុំអាក្រក់ពេក មិត្តរបស់ខ្ញុំតែងតែនិយាយជេរប្រមាថគ្រប់បែបយ៉ាង ខ្ញុំបានទៅតាមឪពុកម្តាយពី ប៊ិញភឿក ទៅដាកណុង ទៅធ្វើស្រែចម្ការ។ ចេញពីសាលានៅថ្នាក់ទី៨ ហើយបន្ទាប់មក ធ្វើការនៅវាលស្រែ។
នាងបន្តថា នៅពេលនោះ ក្មេងស្រីដែលមានមុខមាត់ស្អាតអាយុ ១៦ និង ១៧ ឆ្នាំ ត្រូវបានក្មេងប្រុសៗដេញតាម ប៉ុន្តែគ្មានអ្នកណាមើលមកខ្ញុំទេ។ តែនៅពេលដែលមានអ្នកផ្គូរផ្គងរកប្តីឲ្យនាង ដោយនិយាយថា បុរសនោះគាត់ទន់ភ្លន់ណាស់ ឪពុកម្តាយរបស់ខ្ញុំសប្បាយចិត្តណាស់ ដែលមាននរណាម្នាក់ជ្រើសរើសយកខ្ញុំ ដូច្នេះពួកគេបានរៀបការឲ្យខ្ញុំនៅអាយុ ១៧ ឆ្នាំ។
Phuong បានរៀបការទាំងមិនដឹងរឿងស្នេហា ហើយវាមិនទាន់ដល់ពេលនាងក្លាយជាកូនក្រមុំ ទើបនាងដឹងថា អតីតស្វាមីរបស់នាងហាក់ដូចជាមិនឆ្លាតខ្លាំងណាស់ទេ។ ប៉ុន្តែ ក្រោយមានកូន អ្វីៗមិនដូចដែលនាងបានរំពឹងនោះទេ ព្រោះពាក្យមើលងាយសើចចំអកនៅតែមិនឈប់ ដែលនាងតែងឮអ្នកជិតខាងហៅនាងដ៏អាក្រក់ថា «ពាក់ក្រវិលថ្មី តែក្ងោកមួយក្បាលដើរនៅកណ្តាលវាលផ្កា លាបបបូរមាត់ និងផាត់មុខហើយ នៅតែមើលទៅដូចឆ្លាម»។
នាងបាននិយាយថា ពេលនោះនាងមានផ្ទៃពោះ មនុស្សម្នាតែងនិយាយអំពីទារក ប៉ុន្តែពេលសម្រាល មុខកូនរបស់នាងកាត់ទៅរកឪពុក ទើបគេឈប់សើចចំអកនាងទៀត។ ទោះជាយ៉ាងណា ដោយសារតែគុណវិបត្តិជាច្រើន ដែលនាងជឿយ៉ាងច្បាស់ថា បណ្តាលមកពីមុខមាត់អាក្រក់របស់នាង នៅទីបំផុត នាងក៏បានបែកបាក់ជាមួយប្តី ខណៈកូនទើបមានអាយុប៉ុន្មានប៉ុណ្ណោះ។
Phuong បានយកកូនទៅផ្ទះឪពុកម្តាយរបស់នាង ហើយក្លាយស្រ្តីមេម៉ាយកូន១ទាំងវ័យក្មេង ចាប់តាំងពីពេលនោះមក តែនោះគឺជាពេលដែលនាងប្រកាន់ខ្ជាប់នូវគំនិតដែលថា នាងអាចផ្លាស់ប្តូរជីវិតរបស់នាងបាន ដោយសារការវះកាត់កែសម្ផស្ស។
ដំបូងឡើយ គ្រួសារទាំងមូលមានការបាក់ទឹកចិត្ត ដោយសារតែហិរញ្ញវត្ថុរបស់គ្រួសារមិនមានច្រើន និងមួយផ្នែកទៀតដោយសារតែគ្មាននរណាម្នាក់ដឹងថា តើការវះកាត់កែសម្ផស្សមានប្រយោជន៍ ឬយ៉ាងណានោះទេ។ ប៉ុន្តែ Phuong បានតាំងចិត្តដកខ្លួនចេញពីរូបរាង “ធីណូ ចាប់កំណើត” ហើយបងស្រីរបស់នាងបានអង្វរឪពុកម្តាយពីមួយថ្ងៃទៅមួយថ្ងៃ។
ទីបំផុត ឪពុកម្តាយរបស់នាងបានទទួលយក ហើយបានចំណាយប្រាក់ជាង ១៥១ លានដុង សម្រាប់កូនស្រីដើម្បី «កែមុខមាត់»។ នៅពេលនោះ Phuong បានធ្វើការវះកាត់ថ្គាម (៦៥លានដុង) កាត់បន្ថយឆ្អឹងថ្ពាល់ (៤៥លានដុង) វះកាត់ត្របកភ្នែក (៣.៥លានដុង) ការវះកាត់កែលំអច្រមុះ (៣១លានដុង) ចិញ្ចើម (២លានដុង) និងសាក់បបូរមាត់ (២លានដុង)…។ ក្រោយមកនាងក៏បានធ្វើធ្មេញ និងវិធីថែរក្សាស្បែក និងកាត់បន្ថយជាតិខ្លាញ់… ដើម្បីឲ្យរូបរាងរបស់នាងល្អឥតខ្ចោះ។
៦ ឆ្នាំ បន្ទាប់ពីការប្រកាស “បំផ្លាញ និងកសាងឡើងវិញ” ដែលបានផ្លាស់ប្តូរ ១៨០ ដឺក្រេនៃភាពស្រស់ស្អាត Quach Phuong ទទួលបានជីវិតថ្មីខុសពីមុនទាំងស្រុង ដែលធ្វើឲ្យអ្នកធ្លាប់សើចចំអក នឹកស្មានមិនដល់។
ទោះជាយ៉ាងណា Phuong បាននិយាយថា៖ «ខ្ញុំជឿថា នៅតែមាននរណាម្នាក់គិតថាខ្ញុំនៅតែមិនស្អាតគ្រប់គ្រាន់ ប៉ុន្តែខ្ញុំមានអារម្មណ៍ថា មានទំនុកចិត្តជាងមុន។ សំខាន់ជាងនេះទៅទៀត ពេលដែលខ្ញុំមិនសូវអាក្រក់ ខ្ញុំមានជីវិតខុសប្លែកពីគេ គឺខ្ញុំសប្បាយនឹងខ្លួនឯងណាស់»។
Phuong បានផ្លាស់ទៅរស់នៅទីក្រុងហូជីមិញ ហើយមួយរយៈនេះ នាងបានលក់ផលិតផតាមអនឡាញយ៉ាងសកម្ម និងបើកស្ប៉ាតូចមួយ។ តែទោះជាយ៉ាងណា នាងកាន់តែរក្សាភាពសម្ងាត់ ដោយផ្តោតតែលើគ្រួសារតូចមួយរបស់នាង។
បន្ទាប់ពីបែកគ្នាជាមួយអតីតស្វាមី និងចំណាយពេលឱបថើបអតីតកាល នាងបានណាត់ជួបមនុស្សពីរបីនាក់ មុននឹងជួបស្វាមីបច្ចុប្បន្ន។ ចុងឆ្នាំ ២០២០ នាងរៀបការម្តងទៀត ជាមួយការឲ្យពរជ័យពីគ្រួសារទាំងពីរយ៉ាងរីករាយ។
ដើម្បីការពារភាពឯកជនរបស់ស្វាមី អស់រយៈពេលជិត ៣ ឆ្នាំហើយ ដែលនាងបានតាំងចិត្តមិនបង្ហាញមុខស្វាមីរបស់នាង នៅលើបណ្តាញសង្គមណាមួយឡើយ។ នាងគ្រាន់តែបង្ហើបថា នាងសប្បាយចិត្តខ្លាំង ព្រោះនាងមានប្តីដែលស្រលាញ់ យល់ចិត្ត និងគោរពនាងជាពិសេស។ នៅខែកក្កដា ឆ្នាំ២០២១ និងចុងខែកញ្ញា ឆ្នាំ២០២៣ នាង Phuong បានស្វាគមន៍ទារកពីរនាក់ទៀត ដែលបានក្លាយជាម្តាយដែលមានកូនបី។
រយៈពេល ៦ ឆ្នាំ ស្នាមរបួសអតីតកាលបានបិទជាបណ្តើរៗ នាងកាន់តែបើកចំហ និងជឿជាក់ជាងពេលមុន លែងខ្មាស់អៀនពេលថតរូបដូចពីមុនទៀតហើយ។ ជាពិសេសក្តីស្រលាញ់មិនចេះរីងស្ងួតរបស់ស្វាមី និងការស្រលាញ់របស់កូនៗដែលធំឡើងពីមួយថ្ងៃទៅមួយថ្ងៃ បានកំពុងបំពេញរូបភាពនៃជីវិតរបស់នាងបន្តិចម្តងៗគួរឲ្យមោទនភាពបំផុត៕ រក្សាសិទ្ធិដោយ៖ លឹម ហុង
