នេះជាខណៈពេលដ៏សាហាវមួយ គ្រាដែលបុរសវ័យពាក់កណ្តាលអាយុម្នាក់ ត្រូវរថយន្ត១គ្រឿង បើកបុកពីខាងក្រោយ នៅផ្លូវនៃផ្សារ Sukhonthasawat ក្នុងទីក្រុងបាងកក ។
វីដេអូឃ្លីបបានបង្ហាញឲ្យឃើញបុរសម្នាក់កំពុងដើរនៅលើដងផ្លូវ និងភ្លាមៗនោះ គាត់ក៏ត្រូវបានរថយន្តតូច១គ្រឿង បុកពីខាងក្រោយឡើងប៉ើងតែម្តង ។ ស្ត្រីនៅក្នុងរថយន្តនោះ ត្រូវបានលឺនិយាយថា «ជាប្តីរបស់ខ្ញុំ ហើយគាត់កំពុងមានស្រីស្នេហ៍លួចលាក់» ។
អ្នកផុសឈ្មោះ Thawatchai Chanaphon និយាយថា គាត់មានការព្រួយបារម្ភចំពោះបុរសនោះ ដែលបានដេកដួលទៅនឹងដី និងក៏ចង់ជួយគាត់ផងដែរ ។
Daily News បានរាយការណ៍ថា រឿងរ៉ាវនេះនឹងត្រូវបានសម្រេចចិត្តដោយតុលាការ ដោយផ្អែកទៅលើរបួសរបស់គាត់ ៕ រតនៈ
