ក្នុងប៉ុន្មានឆ្នាំចុងក្រោយនេះ គោលនយោបាយអភិវឌ្ឍន៍សេដ្ឋកិច្ច និងសង្គម នៅខេត្តភាគនិរតីរបស់បក្ស និងរដ្ឋវៀតណាម បានរួមចំណែកដល់ការរីកលូតលាស់យ៉ាងឆាប់រហ័ស ជួយប្រជាជនខ្មែរភាគខាងត្បូងកសាងជីវភាពបានគ្រប់គ្រាន់ កាន់តែមានសុភមង្គលក្នុងការរស់នៅ។ នេះជាកម្លាំងចលករថ្មីក្នុងការអភិវឌ្ឍន៍សម្រាប់ប្រជាពលរដ្ឋខ្មែរភាគខាងត្បូង ប្រទេសវៀតណាម បន្តលើកតម្កើងឆន្ទ: ខ្លួនទីពឹងខ្លួន និងភាពច្នៃប្រឌិតក្នុងផលិតកម្ម រួមជាមួយនឹងរដ្ឋាភិបាលគ្រប់លំដាប់ថ្នាក់ ដែលបានប្តេជ្ញាអនុវត្តឱ្យបានជោគជ័យនូវគោលដៅអភិវឌ្ឍន៍ប្រទេស។
បច្ចុប្បន្ននេះ ខេត្តភាគនិរតីមានប្រជាជនខ្មែរជាង 1,3 លាននាក់រស់នៅ រួមជាមួយនឹងក្រុមជនជាតិផ្សេងទៀតដូចជា កិញ ចិន និងចាម ជនជាតិខ្មែរភាគខាងត្បូងរស់នៅពឹងផ្អែកជាចម្បងលើការផលិតកសិកម្ម និងមានក្រុមតូចៗខ្លះ ធ្វើអាជីវកម្ម និងសេវាកម្ម។ ការអនុវត្តសេចក្តីណែនាំ លេខ ១៩ ឆ្នាំ ២០១៨ របស់លេខាធិការដ្ឋានបក្សកុម្មុយនីស្តវៀតណាម ស្តីពីការពង្រឹងការងារនៅតំបន់ខ្មែរភាគខាងត្បូង ក្នុងស្ថានភាពថ្មី រហូតមកដល់ពេលនេះ ស្ថានភាពសេដ្ឋកិច្ច និងសង្គមរបស់ប្រជាជនខ្មែរភាគខាងត្បូងមានការរីកចម្រើន ខណៈប្រទេសមានការអភិវឌ្ឍន៍កាន់តែល្អប្រសើរ, អត្រានៃភាពក្រីក្ររបស់ប្រជាជនខ្មែរភាគខាងត្បូង មានការថយចុះ , ប្រាក់ចំណូលជាមធ្យមក្នុងមនុស្សម្នាក់កើនឡើង ហើយជីវភាពខាងសម្ភារៈ និងស្មារតីរបស់ប្រជាជនខ្មែរភាគខាងត្បូង កាន់តែមានភាពប្រសើរឡើង ជាលំដាប់។
យោងតាមស្ថិតិពីបណ្តាខេត្តភាគនិរតី ប្រាក់ចំណូលជាមធ្យមក្នុងមនុស្សម្នាក់ៗរបស់ប្រជាជនខ្មែរភាគខាងត្បូង ក្នុងឆ្នាំ2023 បានកើនឡើងដល់ជាង 25 លានដុង/ម្នាក់/ឆ្នាំ ស្មើនឹង 40.03% នៃប្រាក់ចំណូលក្នុងតំបន់ទាំងមូល។
ខេត្តខ្មែរភាគខាងត្បូងមួយចំនួនមាន ប្រាក់ចំណូលខ្ពស់ សម្រាប់មនុស្សម្នាក់ ដូចជា Kien Giang, Soc Trang, Ca Mau មានជាង ៥០លានដុង ក្នុងម្នាក់ក្នុងមួយឆ្នាំ។ នៅខេត្ត Kien Giang រដ្ឋភិបាលខេត្ត កំពុងកំណត់គោលដៅថា នៅឆ្នាំ២០២៥ ប្រាក់ចំណូលរបស់ប្រជាជនខ្មែរក្នុងខេត្តប្រមាណ ២៣៧,០០០នាក់ នឹងកើនឡើងច្រើនជាងពីរដងបើធៀបនឹងឆ្នាំ២០២០។ គ្រួសារក្រីក្រនៅក្នុងខេត្តទាំងមូលនឹងថយចុះ 1.5-2% ក្នុងមួយឆ្នាំ។
មកទល់នឹងពេលនេះ នៅខេត្ត Kien Giang មានឃុំចំនួន ១០១/១១៦ និងស្រុកចំនួន ៥ ទទួលបានស្តង់ដារជនបទថ្មី ដែលក្នុងនោះ មានឃុំចំនួន ៣៣ ជារបស់តំបន់ជនជាតិខ្មែរ។ ក្នុងអំឡុងឆ្នាំ២០២៤ រដ្ឋភិបាលខេត្ត Kien Giang បានបរិច្ចាគផ្ទះដឹងគុណដល់គ្រួសារដែលជួបការលំបាក។ សាងសង់ស្ពានចំនួន ៦ , ផ្លូវជនបទចំនួន ២ ខ្សែ; ដាំផ្កានៅសងខាងផ្លូវ ដំឡើងភ្លើងបំភ្លឺផ្លូវជនបទ; ការពិនិត្យសុខភាព អំណោយ អាហារូបករណ៍ និងផ្ដល់កង់សម្រាប់សិស្សានុសិស្សជម្នះការលំបាក និងសិក្សាបានល្អ។
ចំណែកនៅខេត្តត្រាវិញ ដោយសារការអនុវត្តប្រកបដោយប្រសិទ្ធភាពនូវគោលនយោបាយវិនិយោគសម្រាប់ការអភិវឌ្ឍន៍សេដ្ឋកិច្ច និងសង្គម និងកាត់បន្ថយភាពក្រីក្រ រួមជាមួយនឹងការខិតខំប្រឹងប្រែងរបស់ប្រជាពលរដ្ឋខ្មែរ អត្រាគ្រួសារខ្មែរក្រីក្រក្នុងខេត្តទាំងមូលបានថយចុះពីជាង ៥០% ក្នុងឆ្នាំ ១៩៩២។ ឥឡូវនេះ នៅសល់តែ 2.03% នៃប្រជាពលរដ្ឋខ្មែរចំនួន 318.231នាក់ ដែលរស់នៅក្នុងខេត្តនេះនៅឡើយ។ សកម្មភាពវប្បធម៌ និងសិល្បៈប្រពៃណីរបស់ជនជាតិខ្មែរ ក៏ត្រូវបានអភិរក្ស និងពេញនិយមផងដែរ។
មកដល់បច្ចុប្បន្ន ឃុំចំនួន 100% ក្នុងខេត្តត្រាវិញ បានបំពេញតាមស្តង់ដារជនបទថ្មី ក្នុងនោះឃុំចំនួន 48 បានបំពេញតាមស្តង់ដារជនបទថ្មីជឿនលឿន។ ៩/៩ ស្រុក ក្រុង នៃខេត្ត បំពេញតាមស្តង់ដារ និងបញ្ចប់ភារកិច្ចកសាងជនបទថ្មី។
លោក Danh Hiep នៅឃុំ Dinh Hoa ស្រុក Go Quao ខេត្ត Kien Giang បានមានប្រសាសន៍ថាដោយសារគោលនយោបាយអនុគ្រោះរបស់រដ្ឋាភិបាលលើវិស័យអគ្គិសនី ទឹកស្អាត និងកម្ចីសម្រាប់អភិវឌ្ឍន៍សេដ្ឋកិច្ច ប្រជាពលរដ្ឋខ្មែរបានឆ្លងផុតការលំបាក និងសម្រេចបានជោគជ័យកើនឡើង។ ការធ្វើដំណើរមានភាពងាយស្រួល ឈ្មួញមកស្រែទិញស្រូវ ក្នុងតម្លៃសមរម្យ។ មានលុយ គេទិញ របស់ ហើយបញ្ជូនកូនទៅសាលាបានត្រឹមត្រូវ។ ឥឡូវនេះ គ្មានអ្វីបាត់នៅទីនេះទេ, មនុស្សចង់ទិញអ្វីក៏ដោយ គ្រាន់តែជិះម៉ូតូទៅផ្សារ ក៏មានគ្រប់ យ៉ាង។
ភាពសប្បាយរីករាយរបស់ប្រជាជនខ្មែរភាគខាងត្បូង ត្រូវបានកើនឡើងក្នុងពិធីបុណ្យប្រពៃណី Tet Chol Chnam Thmey 2024។ ក្នុងអំឡុងពេលបុណ្យតេតប្រជាជនខ្មែរភាគខាងត្បូងបានប្រមូលផ្តុំគ្នានៅវត្តដើម្បីអបអរឆ្នាំថ្មីតាមទំនៀមទម្លាប់ប្រពៃណី។
សូមចូលរួមត្រេកអរ និងចែករំលែកទាំងអស់គ្នាអំពីការផ្លាស់ប្តូរ និងការអភិវឌ្ឍប្រទេសជាតិ និងសូមជូនពរឆ្នាំថ្មី ជួបតែសេចក្តីសុខ សុភមង្គល ក្រុមគ្រួសារ និងរីកចម្រើនក្នុងមុខជំនួញ។
រដ្ឋភិបាលខេត្តនៅតំបន់ភាគនិរតី រៀបចំសកម្មភាពជាក់ស្តែង និងមានអត្ថន័យដូចជា ៖ ការប្រជុំប្រពៃណី ការចុះសួរសុខទុក្ខ អបអរសាទរ និងអំណោយដល់អង្គការនៃសមាគមសាមគ្គីព្រះសង្ឃស្នេហាជាតិ និងវត្តអារាម ពុទ្ធសាសនាខ្មែរថេរវាទ ឥស្សរជន អ្នកមានកិត្យានុភាព គ្រួសារគោលនយោបាយធម្មតា និងគ្រួសារខ្មែរក្រីក្រ…។
ប្រជាពលរដ្ឋខ្មែរនៅភាគខាងត្បូងប្រទេសវៀតណាម ក្នុងឱកាសពិធីបុណ្យប្រពៃណីទាំងនេះ ប្រជាជន និងភ្ញៀវទេសចរ ត្រូវបានចូលរួមនៅក្នុងបរិយាកាសវប្បធម៌ចម្រុះពណ៌, ក្នុងនោះ គឺពិធីបុណ្យ Ok Om Bok – ការប្រណាំងទូក.ងនៅខេត្ត Soc Trang, Tra Vinh, Kien Giang ជាមួយនឹងការប្រកួតយ៉ាងស្វិតស្វាញរវាងក្រុមកីឡាករ, ឬឆាកឌូកែ ឆាករបា រាំវង់ និងភ្លេងពិណពាទ្យ ដែលជានិមិត្តសញ្ញានៃលំហវប្បធម៌ខ្មែរ។
មូលដ្ឋានពលរដ្ឋនៅភាគខាងត្បូង នៃប្រទេសវៀតណាម តែងតែយកចិត្តទុកដាក់ ជាពិសេសចំពោះការងារអភិរក្ស និងថែរក្សាអត្តសញ្ញាណវប្បធម៌ជនជាតិខ្មែរ ដើម្បីបង្កើតភាពសម្បូរបែប ភាពចម្រុះ និងឯកភាពនៃវប្បធម៌វៀតណាម។ ខេត្ត Soc Trang តែមួយមានសារីរិកធាតុវប្បធម៌លំដាប់ថ្នាក់ចំនួន 47 ក្នុងនោះមានសារីរិកធាតុជាតិចំនួន 8 និងសារីរិកធាតុខេត្តចំនួន 39 ។ ក្នុងចំណោមនោះទៀត មានសារីរិកធាតុរបស់ប្រជាពលរដ្ឋខ្មែរ រហូត ដល់ទៅ ១០អង្គ។
ថ្មីៗនេះ ខេត្តត្រាវិញ ក៏បានរៀបចំសប្តាហ៍មហោស្រពសិល្បៈ ល្ខោន Du Ke ឆ្នាំ2023 ដោយមានតារាសម្ដែងជាង 500 នាក់ មកពីអង្គភាពសិល្បៈចំនួន 13 ក្នុងខេត្តភាគខាងត្បូងប្រទេសវៀតណាម។ វិស័យអប់រំ និងបណ្ដុះបណ្ដាលសម្រាប់ជនជាតិខ្មែរ ក៏ត្រូវបានច្នៃប្រឌិតឥតឈប់ឈរ រួមចំណែកលើកកម្ពស់កម្រិតបញ្ញា និងគុណភាពធនធានមនុស្សសម្រាប់មូលដ្ឋានភាគខាងត្បូងនៃប្រទេសនេះ។
ជាធម្មតា ខេត្ត Soc Trang បច្ចុប្បន្នមានសាលារដ្ឋចំនួន ៣៤៨/៤៦៧ ដែលបំពេញតាមស្តង់ដារជាតិ។ មានសាលាបណ្ដុះបណ្ដាលជនជាតិភាគតិចចំនួន 10 ដែលមានថ្នាក់រៀនចំនួន 102 និងសិស្សចំនួន 3,434 , មានសាលាចំនួន 149 ដែលផ្តល់ការអប់រំពីរភាសាវៀតណាម-ខ្មែរ ដែលមានថ្នាក់រៀនចំនួន 1,906 និងសិស្សចំនួន 42,754 នាក់។
ខេត្ត Soc Trang មានសាលាវប្បធម៌បាលីកម្រិតមធ្យម ដែលមានព្រះសង្ឃ ១៥៥អង្គ កំពុងសិក្សា។ មានសិស្សចំនួន 816 នាក់ បានចុះឈ្មោះចូលរៀននៅសាលាត្រៀមសាកលវិទ្យាល័យ។ ពុទ្ធសាសនិកជនខ្មែរថេរវាទ និងសមាគមព្រះសង្ឃស្នេហាជាតិ នៃខេត្តសុកត្រាំង តែងតែបង្កើតលក្ខខណ្ឌសម្រាប់ព្រះសង្ឃក្នុងការបន្តការសិក្សា។ អាចនិយាយបានថា ជីវិតពោរពេញដោយសុភមង្គល សម្រាប់អ្នករស់នៅក្នុងខេត្តនេះ ដែលមានប្រជាពលរដ្ឋខ្មែររស់នៅច្រើន។
ប្រជាពលរដ្ឋ អរគុណចំពោះគោលនយោបាយប្រកបដោយប្រសិទ្ធភាពរបស់បក្ស រដ្ឋអំណាចវៀតណាម និងការខិតខំប្រឹងប្រែង ឆន្ទៈខ្ពស់របស់ប្រជាជនខ្មែរក្នុងការអភិវឌ្ឍសេដ្ឋកិច្ច និងសង្គមក្នុងមូលដ្ឋាន រួមចំណែកក្នុងការអនុវត្តប្រកបដោយជោគជ័យនូវបុព្វហេតុ នៃការបង្កើតថ្មី និងការអភិវឌ្ឍប្រទេសជាតិ៕
