មុខសញ្ញាដ៏សាហាវ និងធ្វើឲ្យអ្នកភូមិខ្លាចរអាម្នាក់ ត្រូវសមត្ថកិច្ចស្រុកគងពិសី បង្ក្រាបបាន

គងពិសី៖ មុខសញ្ញាដ៏សាហាវ និងធ្វើឲ្យអ្នកភូមិខ្លាចរអា ត្រូវបានសមត្ថកិច្ចស្រុកគងពិសី បង្ក្រាបបាន កាលពីថ្ងៃទី១៣.មិថុនា.២០២៤ នៅចំណុចភូមិអណ្តូងប្រាំង ឃុំស្រង់ ស្រុកគងពិសី មុខសញ្ញាខាងលើគឺមានឈ្មោះ អំ ប្រុស(ង៉ូស) ភេទប្រុស អាយុ ៣៤ឆ្នាំ រស់នៅភូមិឃុំខាងលើ ដែលតែងតែកាន់កាំភ្លើងស្នប់ កាំបិត ពូថៅ ដើរបង្ករការអុកឡុក ទាំងយប់ទាំងថ្ងៃគម្រាមកំហែង ដល់ប្រជាពលរដ្ឋតាមភូមិ នៅក្នុងតំបន់នោះ ក្នុងប្រតិបត្តិការខាងលើនេះ សមត្ថកិច្ចបានដកហូតវត្ថុតាងរួមមាន៖ ម្សៅក្រាមពណ៌សថ្លាសង្ស័យជាគ្រឿងញៀន ចំនួន ១កញ្ចប់មធ្យម សម្ភារៈប្រើប្រាស់វេចខ្ចប់គ្រឿងញៀនមួយចំនួន កាំភ្លើងស្នប់ ២ដើម គ្រាប់ដែក ៥០គ្រាប់ កាំបិតត្នោតចុងស្រួច ១ដើម ដាវ ១ដើម កាំបិតផ្គាក់ ៣ដើម ពូថៅ ១ដើម ជំពាមកៅស៊ូ១ និងសម្ភារៈសម្រាប់កែឆ្នៃកាំភ្លើងមួយចំនួន។

ចំពោះមុខសញ្ញាខាងលើ ជាមុខសញ្ញាមិនរៀងចាល ធ្លាប់ជាប់ពន្ធនាគារ ក្នុងករណីជួញដូរគ្រឿងញៀន និងដេញកាប់លើសមត្ថកិច្ច៕រក្សាសិទ្ធដោយ៖ សុទ្ធលី