កំពង់ឆ្នាំង៖មានករណីគ្រោះថ្នាក់ចរាចរណ៍មួយបានកើតឡើងកាលម៉ោង៥និង១៣នាទីព្រឹកថ្ងៃទី២២ ខែវិច្ឆិកា ឆ្នាំ២០១៧ នៅត្រង់ចន្លោះគីឡូម៉ែតលេខ ៨៥.៨៦ស្ថិតក្នុងភូមិព្រៃពួច ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។
គ្រោះថ្នាក់ចរាចរណ៍នេះបង្ករឡើង រថយន្តម៉ាក HYNDAI ពាក់ស្លាកលេខ ពោធិសាត់៣A.0755 ដឹកបន្លែ ផ្លែឈើ និងរថយន្តមួយគ្រឿងទៀតពាក់ស្លាកលេខ ក្រចេះ 3A.0219 ក្នុងទិសដៅច្រាស់គ្នានិងបុកគ្នាពេញទំហឹងបណ្តាលអោយមនុស្ស៣នាក់រងរបួសធ្ងន់និងស្រាល។
ក្រោយពេលកើតហេតុរថយន្តបង្ករទាំង២គ្រឿងត្រូវកម្លាំងប៉ូលីសអូសយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តកំពង់ឆ្នាំងរង់ចាំធ្វើការដោះស្រាយទៅតា់និតិវិធីច្បាប់។
គេនៅមិនទាន់ស្គាល់អត្តសញ្ញាណជនរងគ្រោះនៅឡើយទេរហូតមកដល់នឹងរសៀលថ្ងៃទី២២ វិច្ឆិកានេះ៕ ដោយ៖ ចៅ សន
