ភ្នំពេញ៖ នៅថ្ងៃទី១៨ ខែតុលា ឆ្នាំ២០២៤ ឯកឧត្តម លីម ប៊ុនហុក រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានទទួលជួបពិភាក្សាការងារជាមួយលោក Edgar DOERIG តំណាងអង្គការអន្តរជាតិហ្រ្វង់កូហ្វូនី (OIF) ប្រចាំតំបន់អាស៊ី-ប៉ាស៊ីហ្វិក នៅទីស្តីការក្រសួង។
ជំនួបខាងលើនេះ បានផ្តោតលើការចូលរួមរបស់កម្ពុជាក្នុងកិច្ចប្រជុំកំពូលហ្វ្រង់កូហ្វូនីលើកទី១៩ នៅប្រទេសបារាំងកន្លងទៅ និងការត្រៀមរៀបចំកិច្ចប្រជុំកំពូលហ្រ្វង់កូហ្វូនីលើកទី២០ នៅកម្ពុជា នៅឆ្នាំ២០២៦។ គម្រោងដែលត្រូវបានអនុវត្តដោយអង្គការ OIF នៅកម្ពុជា មានចំនួនច្រើនជាងគម្រោងដែលបានអនុវត្តនៅប្រទេសសមាជិកផ្សេងទៀត។ គួរបញ្ជាក់ផងដែរថា មានតែកម្ពុជាប៉ុណ្ណោះជាប្រទេសក្នុងតំបន់ ដែលត្រូវបានជ្រើសរើសសម្រាប់គម្រោងទេសចរណ៍ប្រកបដោយចីរភាព ក្នុងគោលបំណងបង្កើតការងារដើម្បីជួយក្រុមប្រជាជនងាយរងគ្រោះដូចជា ស្ត្រី និងយុវជនដែលនៅទីជនបទ។ បន្ថែមពីនោះ ក៏មានការពិភាក្សាអំពីការបង្កើតមជ្ឈមណ្ឌលតំបន់សម្រាប់ភាសា និងវប្បធម៌បារាំងផងដែរ។រក្សាសិទ្ធដោយ ៖ សុទ្ធលី