កងរាជអាវុធហត្ថស្រុកសន្ទុក ចុះបង្រ្កាបបទល្មើសនេសាទ ប្រើឧបករណ៍ឆក់ត្រី បាននាំខ្លួនជនសង្ស័យចំនួន១នាក់ ដើម្បីកសាងសំណុំរឿងតាមនីតិវិធី

កំពង់ធំ÷ នៅរសៀលថ្ងៃសៅរ៍ ទី១៨ ខែមករា ឆ្នាំ២០២៥ ដោយអនុវត្តតាមបទបញ្ជា លោកឧត្តមសេនីយ៍ត្រី មាស យ៉ត មេបញ្ជាការ កងរាជអាវុធហត្ថខេត្តកំពង់ធំ កម្លាំងមូលដ្ឋានកងរាជអាវុធហត្ថស្រុកសន្ទុក ចំនួន០៥នាក់ ម៉ូតូ០១គ្រឿង កាណូត០១គ្រឿង ដឹកនាំដោយ លោកអនុសេនីយ៍ឯក នេត ចាន់សុភាព មេបញ្ជាការ អ.ហ ស្រុក បានចេញសហការជាមួយសង្កាត់រដ្ឋបាលជលផលតាំងក្រសាំង ដឹកនាំរួមដោយ លោក កែវ សុខា នាយសង្កាត់រដ្ឋបាលជលផលតាំងក្រសាំង ចុះបង្រ្កាបបទល្មើសនេសាទ (ប្រើឧបករណ៍ឆក់ត្រី) នៅចំណុចបឹងទ្វាពីរ ភូមិទួលចាន់ ឃុំតាំងក្រសាំង ស្រុកសន្ទុក។

ជាលទ្ធផល ÷ បាននាំខ្លួនជនសង្ស័យចំនួន០១នាក់ ចាប់យកវត្ថុតាង : កាណូត០១គ្រឿង (បាឡាស្មាច់+ម៉ាស៊ីនសាំង) អាគុយ០៥ធុង ដុំភ្លើងឆក់ត្រី០៥គ្រឿង ដងឆក់ត្រី០៥គូរ កាំបិតស្នៀតចំនួន០១ដើម ត្រីចម្រុះ១០គីឡូក្រាម (ជនសង្ស័យនិងវត្ថុតាង ជំនាញយកទៅរក្សាទុក ដើម្បីកសាងសំណុំរឿងតាមនីតិវិធី)៕ រក្សាសិទ្ធដោយ៖សុទ្ធលី