ភ្នំពេញ ៖ ដោយយោងទៅតាមបទបញ្ជាពីឯកឧត្តម នាយឧត្តមសេនីយ៍ឯក ស ថេត អគ្គស្នងការនគរបាលជាតិបានបញ្ជាអោយកម្លាំងជំនាញពាក់ព័ន្ធចុះទៅធ្វើការឡោមព័ទ្ធទីតាំងអគារអផាតមិនមួយកន្លែងដែលបានលួចលាក់បង្កប់ល្បែងស៊ីសងអនឡាញខុសច្បាប់ ។
កម្លាំងអគ្គស្នងការនគរបាលជាតិឃាត់ខ្លួនជនជាតិចិន និងវៀតណាមជាង៣០០នាក់ ពាក់ព័ន្ធលួចលាក់បង្កប់ បើកនឹងលេងល្បែងស៊ីសងអនឡាញខុសច្បាប់នៅចំណុច អគារ មានជ័យ អាផាតមិន នៅវេលាម៉ោង១រសៀល ថ្ងៃទី១៩ ខែមករា ឆ្នាំ២០២៥ នៅតាមបណ្តោយផ្លូវបេតុងក្នុងភូមិដំណាក់ធំ២ សង្កាត់ស្ទឹងមានជ័យទី០៣ ខណ្ឌមានជ័យ រាជធានីភ្នំពេញ ។
សមត្ថកិច្ចបានអោយដឹងថា ការចាប់ខ្លួនជនជាតិចិន និងជនជាតិវៀតណាមចំនួនជាង៣០០នាក់ដែលកំពុងពួនសម្ងំលួចលាក់បង្កប់បើក និងលេងល្បែងស៊ីសង អនឡាញខុសច្បាប់រួមនឹងដកហូតបានវត្ថុតាងសម្រាប់ដំណើរការល្បែងស៊ីសង។
បន្ទាប់ពីមានការរាយកាណ៍ពីពលរដ្ឋថា ទីតាំងអាផាតមិនខាងលើនេះ សម្បូរទៅដោយជនជាតិចិន និងជនជាតិវៀតណាម ចេញចូលនៅចំណុចអគារនេះ ទើបឯកឧត្តមអគ្គស្នងការ បញ្ជាចុះទៅបង្ក្រាបភ្លាមៗអោយខានតែបាននឹងមិនអោយនរណាម្នាក់រួចខ្លួននោះឡើយ ។
សមត្ថកិច្ចបាននាំខ្លួនជនបរទេសជាង៣០០នាក់រួមនឹងវត្ថុតាងយកទៅកាន់អគ្គស្នងការនគរបាលជាតិ ដើម្បីអនុវត្តន៍តាមនីតិវិធីច្បាប់ ៕រក្សាសិទ្ធដោយ៖សុទ្ធលី
