ភ្នំពេញ ៖ ហេតុការណ៍ធ្លាក់ដុំដែកចំផ្ទះពលរដ្ឋនៅចោមចៅ៣ បណ្តាលមកពីផ្ទុះម៉ូទ័រស្ថានីយ៍ស្តុកប្រេងរបស់ឧកញ៉ា ឡុង ហួ! មិនមែនដែកធ្លាក់មកពីណានោះឡើយ! ក្រោយកើតហេតុ ឧកញ៉ា ឡុង ហួ ចេញថ្លៃខូចខាតជូនផ្ទះម្ចាស់ផ្ទះដើម្បីបញ្ចប់រឿង។
ឧបទ្ទវហេតុធ្លាក់ម៉ូទ័រដុំដែកស្ទូច លើផ្ទះប្រជាពលរដ្ឋនៅថ្ងៃទី៣១.០១.២០២៥ វេលាម៉ោង១៤.០០នាទី មានករណីបាក់ធ្លាក់ដងម៉ូទ័រដុំដែកស្ទូចលើផ្ទះប្រជាពលរដ្ឋ ស្ថិតនៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ មាន ៣ទីតាំង ។
ជនរងគ្រោះ មាន ១.ផ្ទះលេខ៤៥ ម្ចាស់ផ្ទះឈ្មោះ មាស ស្រីណាត ភេទស្រី អាយុ៤៥ឆ្នាំ ។ ២.ផ្ទះជួល ម្ចាស់ឈ្មោះ ញ៉ែម ស្រីម៉ាច ភេទស្រី អាយុ៣៥ ។ ៣.ផ្លូវបេតុង ភូមិអង្គ ។
ម្ចាស់ទីតាំងឈ្មោះ លោកឧញ៉ា ឡុង ហួ មានទីលំនៅភូមិប៉ប្រកខាងត្បូង សង្កាត់កាកាបទី១ ខណ្ឌពោធិ៍សែនជ័យ ។
ឧបទវហេតុខាងលើ មិនមានគ្រោះថ្នាក់ដល់ប្រជាពលរដ្ឋនោះទេ ។
ដោយមានការសម្របសម្រួល ពីគណៈបញ្ជាការឯកភាពរដ្ឋបាលខណ្ឌ ម្ចាស់ទីតាំងបានធ្វើការដោះស្រាយទទួលខុសត្រូវការខូចខាត និងមានការឯកភាព ពីភាគីរងគ្រោះ ព្រមទទួលសំណងដើម្បីបញ្ចប់រឿង៕ រក្សាសិទ្ធដោយ៖សុទ្ធលី
