ភ្នំក្រវាញ ៖ អធិការដ្ឋាននគរបាល ស្រុកភ្នំក្រវាញឲ្យដឹងថា នៅថ្ងៃទី៧កញ្ញា២០១៨ វេលាម៉ោង ៣ និង៣០នាទីរសៀល មានករណីហឹង្សាប្រព្រឹត្ត ដោយសហព័ន្ធមានស្ថានទម្ងន់ទោស (ប្តីវាយប្រពន្ធស្លាប់) ស្ថិតនៅភូមិអង្គ្រង ឃុំសំរោង ស្រុកភ្នំក្រវាញ ខេត្តពោធិ៍សាត់។
ជនបង្កជាប្តី ឈ្មោះ ឈន ឆេង ភេទប្រុស អាយុ៥១ឆ្នាំ ជាអ្នកមកស្នាក់ រស់នៅភូមិឃុំកើតហេតុខាងលើ បានខឹងប្រពន្ធ សុំទៅស៊ីឈ្នួលគេ តែខ្លួនមិនចង់ឲ្យទៅ រួចក៏វាយជនរងគ្រោះឈ្មោះមៃ ហិន ភេទស្រី អាយុ៥៤ឆ្នាំ រស់នៅភូមិឃុំជាមួយគ្នា ត្រូវចំថ្ពាល់ខាងស្ដាំចំនួន២ដៃ បណ្ដាលឲ្យស្លាប់ ដោយជនរងគ្រោះមានជំងឺលើសឈាម។
ករណីនេះសមត្ថកិច្ចនគរបាលស្រុកភ្នំក្រវាញ បានធ្វើការឃាត់ខ្លួនជនសង្ស័យ ហើយកំពុងកសាងសំណុំរឿង បញ្ជូនទៅតុលាការ៕ ដោយ ៖ បញ្ញាស័ក្តិ
