អំពើហិង្សាដ៏សាហាវមួយ កើតឡើងនៅក្នុងតំបន់ជិតខាង River North នៅក្នុងទីក្រុង Chicago រដ្ឋ Illinois ត្រូវបានគេថតបានកាលពីព្រឹកថ្ងៃអាទិត្យ នៅពេលដែលបុរសជើងល្អម្នាក់ បានដាល់ទៅលើសន្តិសុខស្រីម្នាក់ ១ដៃយ៉ាងពេញទំហឹងចំកណ្តាលមុខ ស្ថិតនៅខាងក្រៅកុនដូមួយ ។
សន្តិសុខស្រីនោះដែលត្រូវបានស្គាល់ឈ្មោះថា Zoa Stiger បាននិយាយថា នាងកំពុងព្យាយាមជួយបុរសម្នាក់ ដែលពិតជាស្រវឹង និងបាត់បង់ស្មារតីនៅមុខទ្វារអគារ ។ នាងនិយាយថា បុរសនោះបានក្អួតនៅលើចិញ្ចើមផ្លូវ ដូច្នេះ នាងសម្រេចយកធុងមួយដើម្បីសម្អាត និងថែមទាំងស្នើសុំជំនួយផងដែរ ។
Stilger អាយុ ៤៦ ឆ្នាំ បាននិយាយថា នាងបានគំរាមទូរស័ព្ទហៅប៉ូលីស នៅពេលគាត់មិនចាកចេញ ។
មួយសន្ទុះក្រោយមក ក៏ស្រាប់តែឃើញមិត្តភក្តិរបស់គាត់ (ស្រី២ ប្រុស១) បង្ហាញខ្លួន ហើយគាត់បានចាប់ផ្តើមចាកចេញ ប៉ុន្តែ បានគប់ដបទឹកដាក់នាង និងថែមទាំងដាល់នាងមួយដៃយ៉ាងពេញទំហឹងចំកណ្តាលមុខ បណ្តាលឲ្យនាងទាំងវង្វេងវង្វាន់តែម្តង នៅពេលនាងស្ទុះចង់ទៅតបនឹងការគប់ដបទឹករបស់បុរសរូបនេះ ៕ ចន្ទី (liveleak)
