ខេត្តព្រះសីហនុ ៖ សមត្ថកិច្ចនគរបាលចរាចរណ៍ជើងគោក នៃស្នងការដ្ឋានខេត្តព្រះសីហនុ បានឲ្យដឹងថា មានរថយន្តស្ទូចមួយគ្រឿងបានបុកជាមួយរថយន្តដឹកទំនិញ នៅផ្លូវជាតិលេខ៤ ត្រង់ចំណោតរាមឃុំបិតត្រាំង ស្រុកព្រៃនប់ បណ្តាលអោយមនុស្ស៣នាក់រងរបួស។ គ្រោះថ្នាក់នេះកើតឡេីងនៅវេលាម៉ោង ២៣ និង១៩នាទីយប់ ថ្ងៃទី១១ ខែកញ្ញា ឆ្នាំ២០១៨ ចន្លោះគីឡូម៉ែត្រ ២០៩-២១០ ក្នុងឃុំបិតត្រាំង។
សមត្ថកិច្ចបន្តថា គ្រោះថ្នាក់នេះកើតឡើងបណ្តាលមកពី រថយន្តស្ទូច ម៉ាក HYUNDAI ពណ៌ស ផ្លាកលេខភ្នំពេញ3D-2248 មានទិសដៅចេញពីខេត្តព្រះសីហនុ បានបុកនឹងរថយន្តកូរ៉េ១គ្រឿងម៉ាក HYUNDAI ពណ៌ស ផ្លាកលេខភ្នំពេញ3C-2880 មានទិសដៅផ្ទុយគ្នា បណ្តាល អ្នកជិះលើរថយន្តទាំងពីររងរបួសធ្ងន់ ស្រាលចំនួន៣នាក់។
បច្ចុប្បន្ននេះ ជនរងគ្រោះបានបញ្ជូនទៅកាន់មន្ទីពេទ្យ ហើយរថបង្កគ្រោះថ្នាក់ចរាចរណ៍ទាំងពីរ ត្រូវសមត្ថកិច្ចនគរបាលចរាចរណ៍ស្ទូចយកទៅរក្សាទុក នៅការិយាល័យចរាចរណ៍ផ្លូវគោកខេត្តព្រះសីហនុ ដើម្បីបន្តនីតិវិធីដោះស្រាយតាមក្រោយទៀត៕ ដោយ ៖ ដែន សីមា
