ចោរស្រីវ័យក្មេងរូបស្រស់ស្អាតម្នាក់ កាលពីពេលថ្មីៗនេះ ត្រូវបានពួកអាជីវករនៅផ្សារព្រៃទា ចាប់កាត់សក់ និងព្រមទាំងប្រើអំពើហិង្សាគួរឲ្យអាណិត ។ បន្ទាប់វីដេអូនៃហេតុការណ៍នេះ ត្រូវបានចែករំលែកនៅលើបណ្តាញសង្គមដោយគណនីហ្វេសប៊ុកឈ្មោះ Boka Bo ឃើញថា មានប្រតិកម្មរិះគន់ និងគាំទ្រឡើងបែកផ្សែង ចំពោះទង្វើរបស់បុរសម្នាក់ដែលបានវាយ និងចាប់កោរសក់នាងយ៉ាងអាក្រក់ ដោយពុំទុកឲ្យសមត្ថកិច្ចមូលដ្ឋានយកទៅអប់រំនោះទេ ។
ទោះយ៉ាងណា យើងខ្ញុំសូមចូលរួមផ្តល់ជាមតិយោបល់អប់រំខ្លះៗ ជាពិសេសចំពោះប្អូនៗជាយុវវ័យ ដែលឃើញថា បច្ចុប្បន្ននេះ កំពុងតែភ្លើតភ្លើនតាមមិត្តភក្តិ ទៅប្រព្រឹត្តអំពើអបាយមុខផ្សេងៗនៅសង្គម គួរងាកមកកែប្រែខ្លួនធ្វើជាពលរដ្ឋដ៏ល្អម្នាក់ឡើងវិញ និងជាពិសេស គឺប្អូនស្រីដែលរងការចោទប្រកាន់ក្នុងករណីខាងលើនេះ បន្ទាប់ពីរឿងហេតុដ៏អាម៉ាស់មុខនេះបានកើតឡើងមកលើប្អូននៅពេលនេះក៏ដោយចុះ តែចាប់ពីពេលនេះតទៅ ចូរប្អូនត្រូវចេះកែខ្លួន និងស្វែងរកការងារធ្វើដែលអាចងាយបំផុតនៅតាមបណ្តារោងចក្រនានា ឬ តាមកន្លែងផលិតកម្មផ្សេងៗ តាមដែលអាចធ្វើទៅបាន ជាជាងមកឆក់លួចរបស់ទ្រព្យដ៏ក្តៅក្រហាយរបស់គេ ហើយត្រូវនាំទុក្ខទោសដល់ខ្លួនបែបនេះ ៕ ចន្ទី
ក្រឡេកមើលមតិមិនពេញចិត្តខាងក្រោម ដែលក្នុងនោះរួមមានតារាចម្រៀង លោក ម៉ៃ សុគន្ធ ក៏បានចូលរួមបញ្ចេញមតិយោបល់ចំពោះហេតុការណ៍នេះថា៖ «ខ្ញុំមិនមែនកាន់ជើងចោររឺលើកទឹកចិត្តអោយចោរទេ តែទង្វើព្រៃផ្សៃបែបនេះ មិនគួរមានលើសង្គមខ្មែរ???ចោរ ទោះយើងចាប់បាន ខឹងណាស់ ត្រឹមចាប់នាងអោយសមត្ថកិច្ចចុះ យើងគ្មានសិទ្ធកាត់ក្តីលើនាងនូវទង្វើដ៏សាហាវទងបែបនេះទេ???????
សូមសំនូមពរដល់សមត្ថកិច្ចរឺស្ថាប័នពាក់ព័ន្ធមេត្តាស្រាវជ្រាវករណីចោរលួចទូរសព្ទ័នៅ ផ្សារព្រៃទា នេះផង???»
ចំណែកមនុស្សមិនពេញចិត្តជាច្រើនទៀត ក៏បានខមិនថា៖
ឥឡូវនេះ ចូរក្រឡេកមកមើលខាងមតិគាំទ្រឲ្យធ្វើវិញម្តង៖
វីដេអូហ្វេសប៊ុក