បាត់ដំបង ៖ ត្រាក់ទ័រមួយគ្រឿងដឹកពោតសំពីងសំពោងមើលផ្លូវមិនឃើញបើកលឿនទៅបុកសិស្សសាលាអាយុ១២ឆ្នាំកំពុងជិះកង់ទៅសាលារៀន បណ្តាលឲ្យស្លាប់ភ្លាមៗនៅនឹងកន្លែង នៅព្រឹក ថ្ងៃទី២៨ខែវិច្ឆិកាឆ្នាំ២០១៧នៅលើផ្លូវជាតិលេខ៥៧បេត្រង់ចំណុចភូមិអូរកណ្តោល ឃុំតាស្តា ស្រុកសំពៅលូន ខេត្តបាត់ដំបង។
សមត្ថកិច្ចបានបញ្ជាក់ថា សិស្សសាលា ឈ្មោះ ស៊ុន មករា ភេទស្រី អាយុ ១២ឆ្នាំ រស់នៅភូមិកើតហេតុ ។ បន្ទាប់ពីបានឃើញជនរងគ្រោះស្លាប់ហើយ ម្ចាស់ត្រាក់ទ័រ រត់គេចខ្លួនបាត់ ខណៈសមត្ថកិច្ចកំពុងតាមចាប់ខ្លួនជនបង្ក។
បច្ចុប្បន្នសពជនរងគ្រោះសមត្ថកិច្ចបានប្រគល់ឲ្យបង ប្អូន ម្តាយ យកមកធ្វើបុណ្យតាមប្រពៃណី រីឯ កង់ និង ត្រាក់ទ័រ សមត្ថកិច្ចអូសយករក្សាទុកនៅអធិការស្រុករងចាំធ្វើការដោះស្រាយតាមច្បាប់៕ ដោយ៖បញ្ញាស័ក្តិ
