ភ្នំពេញ-កាលពីរាត្រីថ្ងៃសុក្រ ទី១ ធ្នូ ក្រុមតារាចម្រៀងប្រចាំផលិតកម្មថោន ទាំងអស់តែម្តងបាននាំគ្នាទៅអង្រួនឆាកនៅផ្សាររាត្រីកុងតឺន័រសៀមរាប ក្នុងឱកាសសម្ពោធផ្សាររាត្រីកុងតឺន័រនៅអតីតទីលានស្តាតចាស់។
លោក ករុណា ថានេះ ជាឱកាសពិសេសនិងដ៏កម្រដែលអ្នកចម្រៀងប្រុស-ស្រីទាំងអស់បានជួបជុំគ្នានឹងត្រូវបានអញ្ជើញជាកិត្តិយសមួយក្រុមធំបែបនេះ តែម្តង លោកថានេះជាឱកាសពិសេសមួយដែលពួកគាត់បានសម្តែងនិងច្រៀងរួមគ្នា ព្រោះក្រៅពីការថតកម្មវិធីសម្រាប់បុណ្យចូលឆ្នាំថ្មីប្រពៃណីជាតិ ពួកគាត់មិនមានពេលជួបជុំគ្នាបែបនេះទេ ម្យាងការចូលរួមច្រៀងកម្សាន្តនៅផ្សាររាត្រីកុងតឺន័រនេះ ក៏ជាឱកាសមួយសម្រាប់បងប្អូននៅខេត្តសៀមរាប ក៏ដូចជាភ្ញៀវទេសចរអាចមកច្រៀងលេងកម្សាន្តជាមួយក្រុមចម្រៀងរបស់ផលិតកម្មថោនបានទាំងអស់គ្នា។
យោងតាមហ្វេសប៊ុកផេក ផ្លូវការរបស់ផ្សាររាត្រីកុងតឺន័រ បានបង្ហាញថា “រូបភាព សប្បាយៗ រាត្រីទី 1 របស់តារាចម្រៀងប្រចាំផលិតកម្ម ថោន 23 រូប ជាមួយបងប្អូន អាជីវករ និង ពុកម៉ែបងប្អូន នៅខេត្ត សៀមរាប ចូលរួមមកកំសាន្ត និង អបអរសាទរថ្ងៃ បើកដំណើរការជំហ៊ានដំបូង សំរេចបាន ជាង 200 តូប របស់ផ្សាររាត្រី សៀមរាប កុងតឺណឺ និងផាប់ស្ទ្រីត …ជួបគ្នា យប់នេះបន្តទៀត។ កាន់តែសប្បាយ ជាតារាល្បីៗ និង តារាកំប្លែង របស់ ផលិតកម្ម ថោន…ពុកម៉ែ បងប្អូនមានបំណងចង់បើកអាជីវកម្ម ជួលតូបពីផ្សារយើងខ្ញុំ សូមប្រញាប់រុះរាន់ ព្រោះតូបមានកំណត់….!! សប្បាយ ហួសការស្មាន បើមិនជឿ តោះ ទស្សនាទាំងអស់គ្នា … សូមអរគុណ!” បងប្អូន អាជីវករ ដែលមានជំនឿ និង ទំនុកចិត្ត ជ្រើសយកផ្សារសៀមរាប កុងតឺណឺ យើងខ្ញុំបង្កើតមុខរបរអាជីវកម្ម និង អរគុណពុកម៉ែបងប្អូន ដែលមកកំសាន្តនៅទីនេះ… រាត្រីយប់ថ្ងៃ ទី 01 នេះ អបអរសាទរ ការបើកដំណើរការ ជំហ៊ានដំបូង សំរេច ជាង 200 តូប របស់ ផ្សាររាត្រី សៀមរាប កុងតឺណឺ & ផាប់ស្ទ្រីត សប្បាយខ្លាំងណាស់ ជាមួយតារាចម្រៀងល្បីៗ ប្រចាំផលិតកម្ម ថោន មកពីរាជធានីភ្នំពេញ ចំនួន 23 ដួង សំរាប់ពេល 3 ថ្ងៃ គឺ ចាប់ពីថ្ងៃទី 01-02-03 ធ្នូ 2017**** ផ្សាររាត្រី សៀមរាប កុងតឺណឺ គឺមានទីតាំង នៅអតីត ស្តាតចាស់ ជាប់សណ្ឋាគារ Sofitel Angkor តាមបណ្តោយផ្លូវហ្សាឌឺហ្គូល និងទល់មុខសណ្ឋាគារ តារាអង្គរ ..៕ ដោយ-គីម ស្រីរ័ត្ន
