អ្នកវិទ្យាសាស្ត្រ ២រូប គឺលោក Ronggui Yang និង Xiaobo Yin មកពីសកលវិទ្យាល័យ Colorado Boulder អាមេរិក បានរកឃើញវិធីរក្សាឲ្យលំនៅដ្ឋានត្រជាក់ ពុំចាំបាច់មានម៉ាស៊ីនត្រជាក់ឡើយ។ វាជួយសន្សំសំចៃលុយកាក់ ហើយថែមទាំងពុំបញ្ចេញ “ឧស្ម័នផ្ទះកញ្ចក់” បង្កអន្តរាយដល់បរិស្ថានទៀត។
ចំណុចលេចធ្លោរនៃ បន្ទះនេះ គឺពុំតម្រូវឲ្យមានហ្គាសត្រជាក់ពុំអស់ថ្លៃអគ្គិសនី តែនៅអាចកាត់បន្ថយសីតុណ្ហភាពបាន។
បន្ទះនេះត្រូវបានធ្វើពីជ័រ TPX ។ ពីខាងក្រៅគេស្រោបវាដោយសំណាញ់ម្យ៉ាងស្រដៀងនឹងក្រដាសស្រោបអាហារ ប៉ុន្តែបើពិនិត្យមើលតាមកែវពង្រីកនោះ វាមានគ្រាប់អង្កាំកញ្ចក់ដ៏តូចល្អិត រាប់ពុំអស់ មានវិជ្ជមាត្រត្រឹម 8 micro ម៉ែត្រប៉ុណ្ណោះ។
បន្ទះនេះត្រូវបានបង្កើតឡើងដោយគួបផ្សំវត្ថុធាតុនីឡុងធម្មតា តែវាបែរជាមានប្រសិទ្ធភាពប្រតិកម្មផ្លាតលើកាំរស្មីនៃពន្លឺព្រះអាទិត្យ រារាំងមិនឲ្យកម្តៅជ្រៀតចូលបាន។
ថាមពលកម្តៅបញ្ជូនមកត្រូវបានប្រតិកម្ម បកដោយរលកអគ្គិសនីពី 8-14 micro meter
ជាធម្មតាចំពោះកាំរស្មីអ៊ីនហ្វ្រារ៉េដ មានជំហានរលកវែង បរិយាកាសផែនដីកៀកដែលថ្លាឈ្វេង ពុំប្រតិកម្មផ្លាតចេញបាននោះវានឹងស្រូបចូលរួចបំបែកចេញ។
តាមរយៈបន្ទះនេះ ថាមពលនៃកម្តៅ នឹងត្រូវច្រានបញ្ច្រាស់ផែនដី នឹងពុំស្រូបយកវាទៀត ហេតុនេះបរិមាណកម្តៅទាំងស្រុងត្រូវបានសងត្រឡប់ទៅកាន់លំហ។
ដោយគុណប្រយោជន៍បែបនេះ បន្ទះនេះវាពុំត្រឹមជួយកាត់បន្ថយសីតុណ្ហភាពប៉ុណ្ណោះទេ ថែមទាំងជួយបន្ថយផលវិបាកនៃបាតុភូតកើនកម្តៅរបស់ផែនដីផងដែរ។
ប្រសិទ្ធភាពនៃបន្ទះនេះ អាចជួយកាត់បន្ថយសីតុណ្ហភាពក្នុងបន្ទប់ពី 37°C មកនៅត្រឹម 20°C ។
ពុំត្រឹមមានប្រសិទ្ធភាពល្អប៉ុណ្ណោះទេ តម្លៃវត្ថុធាតុនេះក៏ថោកណាស់។ ក្នុង 1m² វាមានតម្លៃប្រមាណ 50 ដុល្លារប៉ុណ្ណោះ។
ប្រការសំខាន់នៃរបកគំហើញនេះពុំមែនផ្តោតក្នុងទ្រឹស្តីប៉ុណ្ណោះទេ បច្ចេកវិទ្យាផលិតវា ក៏ពុំស្មុគស្មាញ។ ពេលនេះគេកំពុងតម្លើងសង្វាក់ផលិតបែបឧស្សាហកម្មហើយ ហើយសង្ឃឹមថា 1-2 ឆ្នាំទៀត វានឹងមានវត្តមាននៅតាមទីផ្សារអន្តរជាតិ៕ ចន្ទ្រា
