តាកែវ ៖ បើតាមការអោយដឹងពីលោក ង៉ាន់ សារី អធិការស្រុកបាទីបានអោយដឹងថា នៅវេលាម៉ោង ជាង១០ព្រឹកថ្ងៃទី ០៦ ធ្នូ ២០១៧នេះ មានកម្មកររោងចក្រជិត ១០០នាក់ បានដួលសន្លប់ ហើយត្រូវបានដឹកយកមកសង្គ្រោះនៅតាមន្ទីរពេទ្យបង្អែកស្រុក និងនៅតាមគ្លីនិក ។
សូមបញ្ជាក់ផងដែរថា ករណីកម្មករដួលសន្លប់នេះគឺបណ្តាលមកពី ពុលក្លិន នៅក្នុងរោងចក្រ ធ្វើអោយកម្មករជាច្រើននាក់បានដួលសន្លប់ជាបន្តបន្ទាប់ នៅក្នុងរោងចក្រដេឌី តូយូស៊ីម៉ា ដែលមានទីតាំងស្ថិតនៅឃុំពុតសរ ស្រុកបាទី ខេត្តតាកែវ ។ លោកអធិការបានបន្តថា ករណីនេះដែរសមត្ថកិច្ចកំពុងញប់ដៃញប់ជើង ក្នុងការនាំយកជនរងគ្រោះដែលដួលសន្លប់នៅក្នុងរោងចក្រ មកសង្គ្រោះនៅមន្ទីរពេទ្យបង្អែកស្រុកហើយ៕ តាកែវ