បន្ទាយមានជ័យ ៖ ប៉ូលីសខេត្តចុះបង្ក្រាបគ្រឿងញៀននៅមុខសាលាសង្កាត់កំពង់ស្វាយក្រុងសិរីសោភ័ណ ដោយឃាត់ខ្លួនជនសង្ស័យជួញដូរ២នាក់ និងតមកឃាត់ខ្លួនអ្នកសេព៣នាក់ទៀត។
លោកឧត្តមសេនីយ៍ ចាប សុផារឹទ្ធ ស្នងការរងទទួលបង្ក្រាបបទល្មើសនៃស្នងការនគរបាលខេត្តបន្ទាយមានជ័យអោយដឹងថា ៖ ការបង្ក្រាបដំបូងធ្វើឡើងនៅម៉ោង៩យប់ថ្ងៃទី៥ ខែធ្នូឆ្នាំ ២០១៧ ចំណុចមុខសាលាសង្កាត់កំពង់ស្វាយស្ថិតនៅភូមិខ្លាកូនចាស់ សង្កាត់កំពង់ស្វាយ ។
លោកបន្តថា ដំបូងសមត្ថកិច្ចបានឃាត់ខ្លួន ជនសង្ស័យជួញដូរនូវសារធាតុញៀន ២នាក់ ក្នុងនោះស្រី១នាក់ នៅក្នុងផ្ទះទាមធ្វើអំពីឈើប្រក់សង្ក័សី ព្រមទាំង ដកហូតវត្ថុតាង ម្សៅក្រាមពណ៌សថ្លា ចំនួន ១៥ថង់តូច (ជំទើ ០២ថង់) មធ្យោបាយ ម៉ូតូ ០១គ្រឿង។
លោកបន្ថែមថា រហូតដល់ម៉ោង ១១ យប់ កម្លាំងបន្តចាប់ជនសង្ស័យប្រើប្រាស់ ចំនួន ០៣នាក់ទៀតសុទ្ធតែប្រុសៗ។ យើងនឹងផ្សាយជូនព័ត៍មានលម្អិតនៅពេលបន្ត៕ ដោយ ៖ បន្ទាយ
