ចែករំលែកបទពិសោធន៍ជួបប្រទះលើកទី១ក្នុងជីវិត នៅលើហ្វេសប៊ុក នារីម្នាក់បានរៀបរាប់ឲ្យដឹងថា កាលវេលាម៉ោងប្រហែល ១០ យប់ ថ្ងៃពុធ (៧ វិច្ឆិកា ២០១៨) ខណៈចរាចរណ៍កំពុងចលនាយឺតៗ ហើយនាងក៏កំពុងបើកបររថយន្តតែម្នាក់ឯង ស្ថិតតាមបណ្តោយផ្លូវហាយវ៉េ Kajang Silk (ម៉ាឡេស៊ី) នៅពេលនោះស្រាប់តែមានរថយន្ត១គ្រឿង ស្ថិតនៅពីមុខនាងបានចាប់ហ្វ្រាំងយ៉ាងប្រថុចញ៉ុច និងនាងក៏ចាប់ហ្រ្វាំងបន្ទាប់ ហើយភ្លាមៗនោះ នាងក៏បានដឹងថា មានម៉ូតូ១គ្រឿង បានបុកគូទឡានរបស់នាង ។
នារីរងគ្រោះបានពន្យល់ថា បុរសម្នាក់ដែលហាក់ដូចជាគាត់ពុំអាចចាប់ហ្វ្រាំងទាន់ពេលវេលា ហើយគាត់បានធ្វើពុតថាម៉ូតូរបស់គាត់ខូច ។ គាត់បន្ទាប់មក ក៏បានអូសម៉ូតូឈប់ក្បែរចិញ្ចើមផ្លូវ និងនៅពេលនោះ បុរសម្នាក់នៅលើម៉ូតូ១គ្រឿងទៀត បានឈប់នៅក្បែរនោះ និងបានសួរថាតើអ្វីៗអត់មានបញ្ហាទេឬ ។
បន្ទាប់ពីនោះ នាងក៏បានចុះពីរថយន្តរបស់នាង ព្រោះនាងបានគិតថា នឹងអាចមានបញ្ហាជាមួយម៉ូតូរបស់បុរសនោះ ។ នាងក៏បានគិតថា វាសុវត្ថិភាព ក្នុងការចាកចេញពីរថយន្តរបស់នាង ព្រោះថា ផ្លូវហាយវ៉េដែលត្រូវបានបែងចែកជា៣ ដែលមានរថយន្តជាច្រើនកំពុងបើកបរលើនោះ និងបូករួមបន្ថែម ចរាចរណ៍នៅពេលនោះក៏យឺតផងដែរ ។
នាងក៏បានដកទូរស័ព្ទរបស់នាង ព្រោះនាងចង់ថតរូបភាពមួយចំនួន ទៅលើការខូចខាតណាមួយនៃម៉ូតូបុរសនោះ ហើយក៏មានបំណងប្រញាប់ចាកចេញពីទីនោះភ្លាមៗផងដែរ ប្រសិនបើវាពុំមានបញ្ហាធ្ងន់ធ្ងរ ។
នាងបានសួរបុរសនោះថា តើម៉ូតូរបស់គាត់មិនអីទេ ប៉ុន្តែ គាត់មិនឆ្លើយ និងធ្វើពុតបន្តជាត្រួតពិនិត្យម៉ូតូទៀត ។ ដោយសង្ស័យនឹងឥរិយាបទដ៏ចម្លែករបស់បុរសនោះ នាងក៏លើកទូរស័ព្ទថតម៉ូតូ ។ នៅពេលនាងដឹងថា ម៉ូតូមិនមានស្លាកលេខត្រឹមត្រូវ នាងក៏ចាប់ផ្តើមសង្ស័យកាន់ខ្លាំងតែម្តង! ទោះយ៉ាងណា នាងត្រូវបានរំខានដោយអ្នកជិះម៉ូតូដទៃ ដែលបានឈប់នៅក្បែរនោះមុន មុនពេលនាងអាចថតរូបភាពមួយចំនួន ។
នាងបានសរសេរថា៖
«មុនពេលខ្ញុំអាចថតរូបទៅលើម៉ូតូនោះយ៉ាងលឿន ខ្ញុំត្រូវបានរំខានដោយអ្នកជិះម៉ូតូដទៃ ដែលចង់និយាយអ្វីៗ ។ នៅពេលខ្ញុំងាកទៅកាន់ពួកគេ បុរសដទៃនៅលើម៉ូតូរបស់គាត់ ស្ទុះចេញ និងឆក់ខ្សែករបស់ខ្ញុំតែម្តង» ។
នាងបានរៀបរាប់បន្តថា ពួកគេបានចាប់ផ្តើមបញ្ឆេះម៉ូតូ និងត្រៀមគេចខ្លួនចេញពីកន្លែងកើតហេតុ ប៉ុន្តែ បុរស២នាក់ទៀត រត់សំដៅរថយន្តរបស់នាង និងបានយករបស់ទ្រព្យមានតម្លៃរបស់នាងទាំងអស់ ដែលក្នុងនោះរួមាន កុំព្យូទ័រ Laptop និងកាបូប១ ។
ពួកចោរទាំងនោះដែលមានបក្ខពួកចំនួន ៧ នាក់ បន្ទាប់មក បានគេចខ្លួនពីកន្លែងកើតហេតុបាត់ស្រមោលតែម្តង ប៉ុន្តែ ទោះយ៉ាងណា ដែលអរគុណខ្លាំងណាស់ ដែលនាងអាចនៅមានជីវិតនៅក្នុងហេតុការណ៍នេះ ដោយគ្រាន់តែរងរបួសស្រាលប៉ុណ្ណោះ ។ នេះជាមេរឿនជីវិតមួយ ដែលសូមចែករំលែកដល់បងប្អូនអ្នកធ្វើដំណើរទាំងឡាយ ជាពិសេសស្រីៗ សូមប្រុងប្រយ័ត្ន ខណៈជួបករណីស្រដៀងគ្នានេះដូចជារូបនាង ខណៈបើកបរនៅពេលយប់ ឬ ទីកន្លែងស្ងាត់ ៕ ដោយ៖ ចន្ទី (ប្រភព៖ worldofbuzz)
