ជីវិតមនុស្សយើងម្នាក់ៗ កើតមកក្នុងលោកនេះសុទ្ធតែមានវាសនាខុសៗគ្នា អ្នកខ្លះកើតមកជាមួយឪពុកម្តាយមានទ្រព្យសម្បតិ្តស្តុកស្តម ឬ មានជីវភាពសមរម្យ រស់នៅមានសេចក្តីសុខ ដោយមានអាហារហូបចុកគ្រប់គ្រាន់ និងមានសម្លៀកបំពាក់សមរម្យ ប៉ុន្តែ ចំណែកអ្នកខ្លះទៀតកើតមកចំឪពុកម្តាយក្រីក្រខ្វះខាតស្ទើរតែរកអង្ករច្រកឆ្នាំងគ្មាន និងសូម្បីសម្លៀកបំពាក់ឲ្យសមរម្យផងនោះ ។ តួយ៉ាងដូចជាក្មេងស្រីដ៏ក្រីក្រម្នាក់នេះអីចឹង ពេលឃើញស្ថានភាពនៃឯកសណ្ឋានសិស្សសាលារបស់នាងហើយ ស្ទើរតែស្រក់ទឹកភ្នែកតែម្តង ។
យោងតាមគណនីហ្វេសប៊ុកឈ្មោះ ទូកង ខេត្តកំពង់ធំ បានឲ្យដឹងថា ប្អូនស្រីម្នាក់ឈ្មោះ ថាន រៀនថ្នាក់ទី6 គាត់អាយុ១២ឆ្នាំ រស់នៅភូមិ កំពង់គោ កំពង់ស្វាយ បច្ចុប្បន្ន នាងមានតែសម្លៀកបំពាក់មករៀនតែ១កំប្លេគត់ ហើយចាស់ដាច់រហែកអស់ហើយ បើបានសម្លៀកបំពាក់ថ្មី មិនដឹងថានាងសប្បាយចិត្តប៉ុណ្ណានោះទេ ។
ទន្ទឹមនឹងមានបងប្អូនយ៉ាងច្រើន ចង់ចូលរួមជួយឧត្ថម្ភសម្រាប់ការខ្វះខាតផ្សេងៗដល់ប្អូនស្រី នោះក៏មានអ្នកប្រើប្រាស់អ៊ីនធើរណែតមួយចំនួន បានធ្វើការរិះគន់ចំពោះការ «គ្មានចិត្ត» របស់គ្រូបង្រៀនដទៃ ក៏ដូចជាអ្នកស្រុកអ្នកភូមិ មេភូមិមេឃុំ ហេតុអីក៏ចិត្តដាច់ម្លេះ តើវាក្រដែរឬអី ដែលត្រឹមខោអាវថ្មី១កំប្លេសោះ សុខចិត្តឃើញនាងស្លៀកពាក់ស្ថិតក្នុងស្ថានភាពបែបនេះមករៀនរាល់ថ្ងៃនោះ ។ ទោះយ៉ាងណា ស្ថិតក្នុងស្ថានភាពបែបនេះ ប្រាកដណាស់ថាគ្រួសាររបស់នាងពិតជាអត់ខ្លាំងហើយ ហេតុនេះ សូមសប្បុរសជនទាំងក្នុង និងក្រៅស្រុក មេត្តាជួយផ្គត់ផ្គង់សម្រាប់ការសិក្សារបស់នាងផង ៕ ដោយ៖ ឧត្តម