នារីម្នាក់បន្ទាប់ពីរកឃើញថា មិត្តប្រុសរបស់នាងកំពុងប្រើប្រាស់បន្ទប់របស់នាងធ្វើជា «សំបុកស្នេហ៍» ដើម្បីរួមភេទជាមួយនារីម្នាក់ទៀតបែបនេះ បានធ្វើឲ្យនាងផ្ទុះកំហឹងរយពាន់អស្សាដល់ថ្នាក់ហ៊ានផ្តល់រង្វាន់១លានបាត ទៅលើក្បាលមិត្តប្រុស និងដៃគូថ្មីរបស់គាត់ ។
អ្នកលេងបណ្តាញសង្គមជាច្រើន បានកំពុងនាំគ្នាជឿជាក់ថា នារីពោរពេញដោយកំហឹងឈឺចាប់នោះ គឺជាកូនអ្នកល្បីល្បាញមួយនៅក្នុងប្រទេសថៃតែម្តង ។
នាងបានចូលទៅកាន់ហ្វេសប៊ុក ដើម្បីស្នើសុំការផ្តល់ព័ត៌មានដល់រូបនាងក៏បាន ឬ ប៉ូលីសក៏បាន អំពីកន្លែងលាក់ខ្លួនរបស់មិត្តប្រុសកំហូចរបស់នាង ។ នាងបាននិយាយថា រង្វាន់១លានបាត សម្រាប់អ្នកដែលបានផ្តល់ព័ត៌មាននេះ ក្នុងនោះ ៥០០,០០០ បាត សម្រាប់ក្បាលគេម្នាក់ៗ ។
នាងក៏បានបញ្ចេញកំហឹងមួយថា៖ «ញាត់សំរាមសង្គមនេះចូលគុកទៅ ព្រោះវាសមនឹងទទួលយកបែបនេះ» ។
កាសែត Thai Rath បានរាយការណ៍ថា មានការអះអាងថា មិត្តប្រុសនោះបានរើកកាយខ្ទេចខ្ទីរ និងបានចោរយករបស់ទ្រព្យមួយចំនួនទៀតផង បន្ទាប់បន្ទប់ដែលរូបគេ និងនារីស្នេហ៍ថ្មីចូលមកដេក ត្រូវបានប៉ូលីសចុះទៅត្រួតពិនិត្យ ៕ ដោយ៖ ឧត្តម (ប្រភព៖ Thai Rath)
