នៅថ្ងៃទី ៥/១២ នាយករដ្ឋមន្ត្រីថៃ ប្រាយុទ្ធ ចាន់អូចារ (Prayut Chan-o-cha បានសម្តែងការព្រួយបារម្ភពីស្ថានការណ៍សន្តិសុខរបស់ប្រទេសជាតិ ក្រោយពីរកឃើញអាវុធយោធាដ៏ច្រើនមួយ ដែលលាក់ក្នុងវាលល្បាប់នៃខេត្ត Chachoengsao ជិតរដ្ឋធានីបាងកក។
តាមយករដ្ឋមន្ត្រីប្រាយុទ្ធ ការដែលស្ថាប័នសន្តិសុខនៅពុំទាន់ចាប់បានមុខសញ្ញារបស់អ្នកផ្តើមគំនិត ឬមានពាក់ព័ន្ធ ក៏ដូចជាការពុំទាន់សន្និដ្ឋានបានថា តើនៅមានឃ្លាំងអាវុធផ្សេងទៀតនោះ គឺជាបញ្ហាគួរឲ្យព្រួយបារម្ភ។ ប្រការនេះស្តែងឲ្យឃើញថា នៅមានហានិភ័យបង្កប់គំរាមដល់សន្តិសុខរបស់ប្រទេស។
មុននោះឧបនាយករដ្ឋមន្ត្រី និងជារដ្ឋមន្ត្រី ការពារជាតិថៃ ប្រាយុទ្ធ ចាន់អូចារ ក៏សម្តែងនូវកង្វល់ពី “ឃ្លាំង” អាវុធធំ១នេះ ព្រោះវាត្រូវបានស្តុកទុកក្បែររាជធានីតែម្តង។
គួររំលឹកថា កាលពីថ្ងៃទី ២៤/១១ ប៉ូលិសថៃបានឆែកឆេរ និងរកឃើញអាវុធរួមមានប្រភេទ AK គ្រាប់បែក និងគ្រាប់រំសេវ…ក្រោយពីទទួលបានព័ត៌មានរាយការណ៍ពីពលរដ្ឋ។
តាមស្នងការស៊ើបអង្កេតពិសេសនោះ កងកម្លាំងសមត្ថកិច្ចត្រូវចំណាយពេល ៣ថ្ងៃ ទើបនាំយកយោធភ័ណ្ឌទាំងនោះចេញផុតពីតំបន់លាក់ទុក។
សមត្ថកិច្ចថៃ សន្និដ្ឋានថា អាវុធទាំងនេះ សម្រាប់បម្រើឲ្យគោលដៅបង្កចលាចលហិង្សា វាយលុករដ្ឋធានីបាងកក និងទាក់ទងដល់ ប្រាយុទ្ធ ចាន់អូចារ ដែលជាមេដឹកនាំម្នាក់របស់ក្រុមអាវក្រហម ដែលគាំទ្រក្រុមគ្រួសារអតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រា។ បុគ្គលនេះបានរត់ទៅកាន់ប្រទេសឡាវក្រោយរដ្ឋប្រហារយោធាទម្លាក់ប្អូនស្រីបង្កើតរបស់លោកថាក់ស៊ីន ដែលជាអតីតនាយករដ្ឋមន្ត្រីថៃផងដែរនោះ កាលពីខែ ៥/២០១៤៕ សូយន