កសិករម្នាក់នៅក្នុងប្រទេសភីលីពីន បានតក់ស្លុតយ៉ាងខ្លាំង បន្ទាប់ពីបានឃើញពពែរបស់គាត់ បង្កើតកូនមួយក្បាល មានរូបរាងដូចជ្រូកពាក់កណ្តាល និងមនុស្សពាក់កណ្តាល។
បន្ទាប់ពីឃើញសត្វចម្លែកនោះ គេមានការព្រួយបារម្ភ និងភ័យខ្លាចថា វាគឺជាបណ្តាសសារ ហើយវាអាចនឹងនាំសំណាងអាក្រក់ដល់ក្រុមគ្រួសារនោះ។
អ្នកភូមិមួយចំនួនព្រមទាំងនិយាយថា សត្វនោះអាចជាបីសាច។
អ្នកស្រី Josephine Repique អាយុ ៤០ឆ្នាំ បាននិយាយថា ពពែគាត់បានឈឺពោះកើតកូនកាល ពីដើមខែវិច្ឆការ នៅកសិដ្ឋានដ៏តូចរបស់គាត់ ស្ថិតក្នុងខេត្ត Sultan Kudarat ប្រទេសភីលីពីន។
ពពែញីនោះបង្កើតកូនបាន ២ក្បាល ប៉ុន្តែមួយក្បាលមានរូបរាងចម្លែក ដោយពាក់កណ្តាលដូចជ្រូក និងពាក់កណ្តាលដូចមនុស្ស ហើយវាបានធ្វើឲ្យអ្នកភូមិមានការភ័យខ្លាចយ៉ាងខ្លាំង។
អ្នកស្រីនិយាយថា កូនពពែនោះមើលទៅដូចជ្រូក ហើយក៏រាងដូចមនុស្សផងដែរ។
គាត់និយាយថា ពួកយើងមានអារម្មណ៍តក់ស្លុតណាស់។ ពួកយើងពិបាកពន្យល់ថា វាដូចអ្វីណាស់។
ជាអកុសល កូនពពែ ២ក្បាល ព្រមទាំងមេរបស់វាបានស្លាប់ទាំងអស់ បន្ទាប់ពីកើតកូនរួច ដែលធ្វើឲ្យមានការភ័យខ្លាចកាន់តែខ្លាំងពីសំណាក់អ្នកភូមិ ដោយពួកគេគិតថា វាគឺជាបណ្តាសារ ដែលអាចនាំសំណាងអាក្រក់ដល់គ្រួសារនោះ៕
ប្រភព៖ Mirror
សុភ័ក្ត្រ
