ភ្នំពេញ ៖ យុវជនវ័យក្មេង២នាក់ ជិះម៉ូតូ១គ្រឿងម៉ាក zoomer-x មករកពួកស្រីរកស៊ីផ្លូវភេទ នៅម្ដុំវត្តភ្នំ ដើម្បីយកទៅកំដអារម្មណ៍របស់ខ្លួន តែត្រូវពួកនាងៗ បោកយកលុយ និងទូរស័ព្ទ កាលពីវេលាម៉ោង១១នឹង៣០នាទីយប់ ត្រូវនឹងថ្ងៃទី២៦ ខែវិច្ឆិកា ឆ្នាំ២០១៨ ស្ថិតក្នុងសង្កាត់វត្តភ្នំខណ្ឌដូនពេញ រាជធានីភ្នំពេញ ។
នៅមុនពេលកើតហេតុ រូបគាត់ រួមជាមួយនឹងមិត្តភក្តិ បាននាំគ្នាជិះម៉ូតូ១គ្រឿង ដឹកគ្នាមករកស្រីៗ នៅម្ដុំកែងនឹងវត្តភ្នំ ដើម្បីយកទៅជួលផ្ទះសំណាក់ដេកម្នាក់មួយ ។ ពេលជិះមកដល់កែងខាងកើតវត្តភ្នំក៏បានជួបនឹងស្រីៗផ្កាមាស ដែលនាំគ្នាឈរចាំហៅម៉ូយ ។ ដូចបំណងមែន ទើបពួកគាត់ទាំងពីរនាក់ ឈប់ម៉ូតូដើម្បីតថ្លៃគ្នាអស់រយៈពេលប្រហែលជា១៥នាទី ទើបត្រូវតម្លៃគ្នាក្នុងម្នាក់ម្ភៃដុល្លារ ក៏បានបបួលគ្នាមកជួលផ្ទះសំណាក់ដេកនៅម្ដុំបឹងកក់។ តែត្រូវនាងៗបោកយកលុយនិងទូរស័ព្ទ រត់គេច។
ក្រោយពេលកើតហេតុ កម្លាំងសមត្ថកិច្ចប៉ុស្ដិ៍ទួលសង្កែ១ បានចុះមកដល់កន្លែងកើតហេតុ បានឃាត់ខ្លួនស្រីៗ និងបុរសម្នាក់ ដែលបានយកច្រវ៉ាក់ មកវាយទៅលើជនរងគ្រោះ មកធ្វើការសួរនាំ៕ ដោយ ៖ បញ្ញាស័ក្តិ
