ខេត្តរតនគិរី ៖ កម្លាំងជំនាញនគរបាលព្រហ្មទណ្ឌស្រុកបរកែវ សហការជាមួយកម្លាំងប៉ុស្តិ៍ទីងចាក់ បានធ្វើការឃាត់ខ្លួនជនសង្ស័យម្នាក់ នៅថ្ងៃទី២៧ ខែវិច្ឆិកា ឆ្នាំ២០១៨ វេលាម៉ោង ៨ នៅត្រង់ចំណុចក្នុងផ្ទះល្វែងកម្មករស្នាក់នៅ ស្ថិតក្នុងភូមិលូត ឃុំទីងចាក់ ស្រុកបរកែវ ខេត្តរតនគិរី ដែលពាក់ពន្ធ័ក្នុងករណីរំលោភសេពសន្ថវៈ លើអនីតិជន។
នគរបាលបានខ្លួនជនសង្ស័យម្នាក់ ដោយយោងតាមពាក្យបណ្ដឹងរបស់ម្ដាយជនរងគ្រោះ នាថ្ងៃទី២៧ ខែវិច្ឆិកា ឆ្នាំ២០១៨ ជនរងគ្រោះឈ្មោះ ស ក-ញ ភេទស្រី អាយុ ៨ឆ្នាំ មានទីលំនៅសព្វថ្ងៃភូមិលូត ឃុំទីងចាក់ ស្រុកបរកែវ ខេត្តរតនគិរី ។ជនសង្ស័យឈ្មោះ ហន ហាង ភេទប្រុស អាយុ ២៧ឆ្នាំ មុខរបរ កម្មករ មានទីលំនៅសព្វថ្ងៃភូមិលូត ឃុំទីងចាក់ ស្រុកបរកែវ ខេត្តរតនគិរី។ បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនទៅតុលាការដើម្បីចាក់កាតាមនិតិវិធីច្បាប់៕ ដោយ ៖ បញ្ញាស័ក្តិ
