ខេត្តរតនគិរី ៖ សមត្ថកិច្ចនគរបាល នៃស្នងការដ្ឋានខេត្តរតនគិរី កាលពីព្រឹកថ្ងៃទី២៨ ខែវិច្ចិកា ឆ្នាំ២០១៨ បានសហការជាមួយនាយកកដ្ឌានព្រហ្មទណ្ឌក្រសួងមហាផ្ទៃ – ស្នងការនគរបាលខេត្តកំពត- ស្នងការនគរបាលខេត្តកោះកុង និង ស្នងការនគរបាលខេត្តរតនគិរី បានស្រាវជ្រាវតាមចាប់មុខសញ្ញាឈ្មោះ យ៉ឹង ឌី ហៅ យ៉ឹង សំណាង ហៅ សុខ ផាន ភេទប្រុស អាយុ ៤៤ឆ្នាំ ពាក់ព័ន្ធករណីឃាតកម្មលើកុមារ នៅខេត្តកោះកុង កាលពីឆ្នាំ២០០៩។ សមត្ថកិច្ចឱ្យដឹងថា ជនសង្ស័យខាងលើ ត្រូវកម្លាំងនគរបាលចាប់ខ្លួនបាន នៅក្នុងក្រុមហ៊ុនឥណ្ឌា មានទីតាំងស្ថិតនៅភូមិពាក់ ឃុំយាទុង ស្រុកអូរយ៉ាដាវ ខេត្តរតនគិរី។
បច្ចុប្បន្នមុខសញ្ញានេះ ត្រូវបានកម្លាំងជំនាញ បានផ្ញើទុកនៅស្នងការដ្ឋានខេត្តរតនគីរី ដោយរង់ចាំព្រឹកថ្ងៃស្អែក គឺថ្ងៃទី២៩ ខែវិច្ឆិកា ឆ្នាំ២០១៨ នឹងបញ្ជូនបន្តទៅរាជធានីភ្នំពេញ ដើម្បីសាកសួរ និងឈានទៅកសាងសំណុំងបន្តនីតិវិធីតាមផ្លូវច្បាប់។
យ៉ាងនេះក្តី សមត្ថកិច្ចនគរបាលខេត្តរតនគិរី មិនទាន់បង្ហាញរបាយការណ៍លំអិត អំពីអំពើឃាតកម្មខាងលើនេះ ឱ្យបានច្បាស់លាស់នៅឡើយទេ ដោយគ្រាន់តែបញ្ជាក់ខ្លីថា ការចាប់ខ្លួនជនសង្ស័យឈ្មោះ យ៉ាង ឌី ដោយសារតែជនសង្ស័យរូបនេះ បានសម្លាប់កុមារ នៅភូមិ-ឃុំ និងស្រុកអ្វីទេ គ្រាន់តែបញ្ជាក់ខ្លីថា បានធ្វើសកម្មភាពសម្លាប់កុមារនៅខេត្តកោះកុង កាលពីឆ្នាំ២០០៩តែប៉ុណ្ណោះ៕ ដោយ៖ ដែន សីមា
