ភ្នំពេញ ៖ ដោយយល់ឃើញថា សិស្សឆ្នើមនិទ្ទេស A និង B ដែលទើបប្រឡងជាប់សញ្ញាបត្រមធ្យមសិក្សាទុតិយភូមិ ខកខានមិនបានដាក់ពាក្យសុំអាហារូបករណ៍ទាន់ពេលវេលា សាកលវិទ្យាល័យអាមេរិកាំងភ្នំពេញ (AUPP) សម្រេចផ្តល់ឱកាសជាថ្មីឱ្យក្មួយៗមកដាក់ពាក្យចាប់ពីពេលនេះតទៅ។ អាហារូបករណ៍ពិសេសនេះ ផ្តល់ជូនសម្រាប់វគ្គសិក្សាថ្មីដែលនឹងចូលរៀនថ្ងៃទី១០ ខែមករា ឆ្នាំ២០១៩។
លោកសាស្ត្រាចារ្យបណ្ឌិត Kenneth Dunn សាកលវិទ្យាធិការ AUPP បានមានប្រសាសន៍ថា “ក្នុងនាមគ្រឹះស្ថានឧត្តមសិក្សាដ៏កំពូលមួយក្នុងតំបន់និងដែលមានការទទួលស្គាល់ជាសកល AUPP បន្តជួយនិស្សិតខ្មែរតាមរយៈការផ្តល់ការអប់រំដ៏មានគុណភាពខ្ពស់ដើម្បីចូលរួមចំណែកអភិវឌ្ឍធនធានមុនស្សប្រកបដោយសក្តានុពលក្នុងការប្រកួតប្រជែងក្នុងទីផ្សារជាតិនិងអន្តជាតិ។”
ក្រៅពីសិស្សទិទ្ទេស A និង B សិស្សដែលប្រឡងជាប់បាក់ឌុបទាំងអស់ដែលខកខានដាក់ពាក់ចូលរៀនមិនទាន់ពេលកន្លងមក ឬចង់ផ្ទេរការសិក្សាពីសាកលវិទ្យាល័យនានា AUPPស្វាគមន៍ហើយក្មួយៗអាចមកទទួលព័ត៌មានលម្អិតចាប់ពីថ្ងៃជូនដំណឹងនេះតទៅ។
សម្រាប់ព័ត៌មានបន្ថែម សូមទាក់ទងមកកាន់លេខទូរសព្ទ៖ ០២៣ ៩៩០ ០២៣/ ០១២ ២៦៦ ៦៣១ ឬចូលទៅកាន់គេហទំព័រ៖ www.aupp.edu.kh។ សាកលវិទ្យាល័យ AUPP មានអាសយដ្ឋានស្ថិតនៅអគារលេខ២៧៨H ផ្លូវ២០១R ភូមិក្រោលគោ សង្កាត់គីឡូម៉េត្រលេខ៦ ខណ្ឌឫស្សីកែវ រាជធានីភ្នំពេញ៕ ដោយ ៖ កូឡាប
