រាជធានីភ្នំពេញ៖ រាជរដ្ឋាភិបាល តាមរយៈក្រសួងមហាផ្ទៃ បានដាក់ចេញបទបញ្ជាផ្ទៃក្នុង ស្តីពីការជម្រុញអនុវត្តច្បាប់ស្តីពីចរាចរណ៍ផ្លូវគោក ប្រយោជន៍ដើម្បីរួមចំណែក ក្នុងការទប់ស្កាត់ និងកាត់បន្ថយការបាត់បង់ជីវិត រងរបួស និងខូចខាទ្រព្យសម្បត្តិ ដោយគ្រោះថ្នាក់ចរាចរណ៍ផ្លូវគោក ដែលជាបញ្ហាប្រឈមចំពោះមុខ និងយូរអង្វែង ទៅថ្ងៃអនាគត នៅក្នុងប្រទេសកម្ពុជា។
បទបញ្ជាផ្ទៃក្នុង របស់ក្រសួងមហាផ្ទៃ មានចុះហត្ថលេខា និងបោះត្រា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ចុះថ្ងៃទី៨ ខែធ្នូ ឆ្នាំ២០១៧ ក្រសួងមហាផ្ទៃ បានដាក់ចេញ នូវបទបញ្ជាផ្ទៃក្នុងដល់មន្ត្រីក្រោមឱវាទចំនួន ១២ចំណុច ត្រូវធ្វើជាគំរូក្នុងការគោរពប្រតិបត្តិច្បាប់ស្តីពីចរាចរណ៍ផ្លូវគោកដូចខាងក្រោម ៖
