តាកែវ៖ ការជំរុញអោយកម្មករកម្មការរិនីចូលធ្វើការដោយមិនទាន់មានមន្ត្រីជំនាញជាពិសេសក្រសួងបរិស្ថានចុះពិនិត្យដល់រោងចក្រ បានធ្វើអោយកម្មករកម្មាការិនីជាពិសេសអណាព្យាបាលធ្វើការរិះគន់យ៉ាងធ្ងន់ ទៅលើថ្នាក់លើនៃក្រសួងការងារដែលបញ្ជាអោយកម្មករកម្មាការិនីចោលធ្វើការដោយមិនទាន់បានចុះពិនិត្យដូចជាមានគោលបំណងចង់ធ្វើអោយប្រជាពលរដ្ឋខូចសុខភាព ។
កម្មករកម្មការិនីជាច្រើនបានសំណូមពរដល់មន្ត្រីជំនាញពាក់ព័ន្ធជាពិសេស អជ្ញាធរខេត្តឯកឧត្តម ឡាយ វណ្ណៈ អភិបាលខេត្តតាកែវ ជួយពិនិត្យដល់រោងចក្រ មិនថារោងចក្រកើតហេតុឬរោងចក្រដែលមិនទាន់កើតហេតុ ដើម្បីជួយដល់សុខភាពកម្មករកម្មាការិនី ដែលធ្វើការក្នុងរោងចក្រផង ។ តាមប្រភពពីក្រុមគ្រួសារកម្មករកម្មការិនីរោងចក្រទាំងនោះបានបង្ហើបអោយដឹងថា មានអ្នកដើរប្រាប់ដល់កម្មករកម្មការិនីដែលរងគ្រោះថា បើមិនចូលធ្វើការវិញទេ រោងចក្រមិនបើកប្រាក់ខែអោយទេ បន្ទាប់ពីលិចលឺតំណឹងនេះ កម្មករកម្មាការិនីដែលរងគ្រោះទាំងអស់នោះបាននាំគ្នាក្រោកឡើងចេញទៅធ្វើការទាំងសុខភាពមិនប្រកតី ព្រោះខ្លាចរោងចក្រមិនបើកប្រាក់ខែអោយ ទើបបណ្តាលអោយកើតមាន ការដួលសន្លប់របស់កម្មករកម្មាករិនីរោងចក្រជាង ១០០នាក់ទៀតបែបនេះ ។
គួររំលឹកផងដែរថាកកាលពីថ្ងៃទី ០៦ ខែធ្នូ ២០១៧ នោះរោងចក្រជេឌី តូយូស៊ីម៉ា មានកម្មករកម្មការិនីជាង ២០០នាក់ បានដួលសន្លប់ម្តងរួចមកហើយ ហើយក្នុងនោះដែរមានក្រុមប្រឹក្សាភិបាល បានចុះទៅពិនិត្យ ជាក់ស្តែង រកមូលហេតុ និងបានប្រជុំជាមួយនិងភាគីម្ចាស់រោងចក្រធ្វើការពិភាគ្សា ដោយកំណត់អោយរោងចក្រជេឌី នោះ ធ្វើការជួសជុល និងសម្អាត នៅបរិស្ថានជុំវិញនៅក្នុងរោងចក្រទាំងនោះមិនអោយមានក្លិនអ្វីដែលធ្វើកម្មកររោងចក្រទាំងនោះដួលសន្លប់ទៀត ហើយបានកំណត់ថ្ងៃទី ១១ ធ្នូ ២០១៧ ជាថ្ងៃដែលកម្មករកម្មការិនីទាំងនោះចូលមកធ្វើការជាធម្មតាវិញ ។
ក៏ប៉ុន្តែដោយមានការសម្រេចនិងការអនុញ្ញាតពីរដ្ឋមន្ត្រីក្រសួងការងារ បានជំរុញអោយកម្មករកម្មាការិនីទាំងនោះចូលធ្វើការវិញនៅថ្ងៃទី ០៨ ខែធ្នូ ២០១៧ ទាំងមានខ្លះនៅសុខភាពទាន់បានស្រួលបួលផងនោះ បានចូលមកធ្វើការវិញតាមការកំណត់របស់ក្រសួងការងារ ទើបកើតមាននៅករណីដួលសន្លប់របស់កម្មករកម្មការិនីចំនួន ១៣៧នាក់ទៀតនៅក្នុងថ្ងៃនេះតែម្តង នេះតាមរបាយណ៏ជាក់ស្តែងចេញពីអធិការដ្ឋាននគរបាលស្រុកបាទី៕ តាកែវ
