ក្មេងប្រុសជនជាតិចិនម្នាក់អាយុ ១៣ឆ្នាំ ត្រូវបានចាប់ខ្លួន ក្រោយពេលបានសម្លាប់ និងកាត់ក្បាលម្តាយរបស់ខ្លួនឯង។ នេះបើតាមការចេញផ្សាយរបស់សារព៌តមាន BBC នៅយប់ថ្ងៃសុក្រម្សិលមិញនេះ។
ក្មេងប្រុសតិរិច្ឆាននោះត្រូវបានគេរាយការណ៏ថា បានថតសកម្មភាពសម្លាប់ម្តាយបង្កើតរបស់ខ្លួន និងបានផ្ញើវីដេអូនោះទៅឲ្យមិត្តភក្តិរបស់វាម្នាក់តាមរយៈកម្មវិធីឆាត (WeChat)។ ក្មេងប្រុសឃាតករនោះត្រូវបានចាប់ខ្លួន តែប៉ុន្មានថ្ងៃប៉ុណ្ណោះក្រោយពេលមិត្តភក្តិរបស់វា ម្នាក់បានបង្ហាញវីដេអូនោះឲ្យម្តាយគេមើល។
ហេតុការណ៏ដ៏រន្ធត់ និងមិននឹកស្មាននេះ កើតឡើងនៅក្នុងទីក្រុង វិនស៊ីង (Wenxing) ខេត្តស៊ីឈ៊ន ប្រទេសចិន។
ប៉ូលីសប្រចាំតំបន់បានបញ្ជាក់ប្រាប់ BBC ថាករណីនេះពិតជាកើតមានមែន ប៉ុន្តែមិនបានផ្តល់ព៌តមានលំអិតនៅឡើយ ដោយពួកគេបាននិយាយថា ករណីកំពុងស្ថិតក្នុងការស៊ើបអង្កេតនៅឡើយ។
បើតាមការបញ្ជាក់របស់វិទ្យុអាស៊ីសេរី (Radio Free Asia) បានឲ្យដឹងថា ក្មេងប្រុសអាយុ ១៣ឆ្នាំនោះបានសម្លាប់ម្តាយខ្លួនឯង បន្ទាប់ពីមានបញ្ហាឈ្លោះគ្នាពីថ្ងៃអាទិត្យពេលយប់។
ក្មេងប្រុសនោះបានកាត់ក្បាលម្តាយខ្លួនឯង រួចយកក្បាល់របស់គាត់ដាក់ក្នុងធុងមួយ មុនពេលយកក្បាលគាត់បោះចោលនៅប្រឡាយបង្ហូរទឹកនៅខាងក្រៅផ្ទះ។
ក្មេងប្រុសនោះត្រូវបានចាប់ខ្លួននៅសាលា ក្រោយពេលម្តាយរបស់មិត្តភក្តិវា បានរាយការណ៏ទៅប៉ូលីសក្រោយពេលបានឃើញវីដេអូ៕ សុភ័ក្ត្រ
