បន្ទាយមានជ័យ ៖ ដេប៉ូ ឃាង សឿន ឋិតនៅឃុំអូរបីជាន់ ស្រុកអូរជ្រៅ ត្រូវបានសាខាកាំកុងត្រូលខេត្តបន្ទាយមានជ័យ បានចុះពិនិត្យជាលើកទី២ រកឃើញមិនមានភាពត្រឹមត្រូវផ្នែកបរិមាណ ហើយនឹងតាក់តែងសំណុំរឿង បញ្ជូនទៅតុលាការតាមផ្លូវច្បាប់ ព្រោះដេប៉ូនេះបានប្រព្រឹត្តល្មើសជាលើកទី២ហើយ។ ក្នុងករណីមិនរាងចាលដេប៉ូនេះ ត្រូវប្រឈមនឹងការបិទធ្វើអាជីវកម្មទាំងស្រុង។
នៅថ្ងៃពុធ ទី៥ ខែធ្នូ ឆ្នាំ២០១៨ សាខាកាំកុងត្រូលខេត្តបន្ទាយមានជ័យ សហការជាមួយមន្ទីរពិសោធន៍ចល័តផ្នែកប្រេងឥន្ធនៈរបស់នាយកដ្ឋានមន្ទីរពិសោធន៍ និងនាយកដ្ឋានកិច្ចការការពារអ្នកប្រើប្រាស់នៃអគ្គនាយកដ្ឋានកាំកុងត្រូល ដោយមានការចូលរួមពីមន្ទីរពាណិជ្ជកម្មខេត្ត បានចុះត្រួតពិនិត្យតាមស្ថានីយលក់ប្រេងឥន្ធនៈតាមបណ្តោយផ្លូវជាតិលេខ៥៨ គិតចាប់ពីចំណុចឃុំអូរបីជាន់ ស្រុកអូរជ្រៅ រហូតដល់ស្រុកស្វាយចេក និង ស្រុកថ្មពួក។ សកម្មភាពនៃការចុះត្រួតពិនិត្យនេះគឺមន្ទីរពិសោធន៍ចល័ត បានពិសោធន៍ស្ថានីយ ឬដេប៉ូលក់ប្រេងឥន្ធនៈបានចំនួន១០កន្លែងមានទាំងស្ថានីយដែលធ្លាប់បានត្រួតពិនិត្យរួចម្តងហើយ និងស្ថានីយដែលទើបតែត្រួតពិនិត្យលើកទី១។
លទ្ធផលសង្ខេបនៃការធ្វើពិសោធន៍ស្ថានីយ ឬដេប៉ូទាំង១០កន្លែង ៖
១. ដេប៉ូតេលា ឃាង សឿន ស្ថិតនៅឃុំ អូរបីជាន់ ស្រុកអូរជ្រៅ បានចុះលើកទី២ មានភាពត្រឹមត្រូវទៅលើផ្នែកគុណភាព និងមិនមានភាពត្រឹមត្រូវផ្នែកបរិមាណ។
២. ដេប៉ូតេលា ពៅ ណារ៉ុង ស្ថិតនៅឃុំ ចម្ការគ ស្រុកស្វាយចេក ចុះលើកទី១ មានភាពត្រឹមត្រូវទៅលើផ្នែកគុណភាព និងមិនមានភាពត្រឹមត្រូវផ្នែកបរិមាណ ។
៣. ដេប៉ូតេលា សារិន សុខារតនៈ ស្ថិតនៅឃុំគោករមៀត ស្រុកថ្មពួក ចុះលើកទី១ មានភាពត្រឹមត្រូវទៅលើផ្នែកគុណភាព និងមិនមានភាពត្រឹមត្រូវផ្នែកបរិមាណ។
៤. ដេប៉ូតេលា វី សេងនាង ស្ថិតនៅឃុំគោករមៀត ស្រុកថ្មពួក ចុះលើកទី១ មានភាពត្រឹមត្រូវទៅលើផ្នែកគុណភាព និងមិនមានភាពត្រឹមត្រូវផ្នែកបរិមាណ។
៥. ដេប៉ូតេលា ឈិន ផល្លា ស្ថិតនៅឃុំគោករមៀត ស្រុកថ្មពួក ចុះលើកទី១ មានភាពត្រឹមត្រូវទៅលើផ្នែកគុណភាព និងមិនមានភាពត្រឹមត្រូវផ្នែកបរិមាណ។
៦. ដេប៉ូតេលា ឈាន ធានអ៊ីក ស្ថិតនៅឃុំថ្មពួក ស្រុកថ្មពួក ចុះលើកទី១ មានភាពត្រឹមត្រូវទៅលើផ្នែកគុណភាព និងមិនមានភាពត្រឹមត្រូវផ្នែកបរិមាណ។
៧. ដេប៉ូ LHR ស្ថិតនៅឃុំគំរូ ស្រុកថ្មពួក ចុះលើកទី១ មានភាពត្រឹមត្រូវទៅលើផ្នែកគុណភាព និងមិនមានភាពត្រឹមត្រូវផ្នែកបរិមាណ
៨. ដេប៉ូតេលា វីរៈ ស្រីធឿត ស្ថិតនៅឃុំទ្រាស ស្រុកស្វាយចេក ចុះលើកទី១ មានភាពមិនត្រឹមត្រូវទៅលើផ្នែកគុណភាព និងផ្នែកបរិមាណ។
៩. ដេប៉ូតេលា លឹម សៀវឡុង ស្ថិតនៅឃុំរលួស ស្រុកស្វាយចេក ចុះលើកទី២ មានភាពត្រឹមត្រូវទៅលើផ្នែកគុណភាព និងផ្នែកបរិមាណ។
១០. ដេប៉ូតេលា ប៉ក់ ម៉ាប់ ស្ថិតនៅឃុំរលួស ស្រុកស្វាយចេក ចុះលើកទី១ មានភាពមិនត្រឹមត្រូវទៅលើផ្នែកគុណភាព និងផ្នែកបរិមាណ។
សូមបញ្ជាក់ថា ចំពោះដេប៉ូ ឃាង សឿន ឋិតនៅឃុំអូរបីជាន់ ស្រុកអូរជ្រៅ សាខាកាំកុងត្រូលខេត្តបន្ទាយមានជ័យនឹងតាក់តែងសំណុំរឿងបញ្ជូនទៅតុលាការតាមផ្លូវច្បាប់ ព្រោះដេប៉ូនេះបានប្រព្រឹត្តល្មើសជាលើកទី២ហើយ។ ក្នុងករណីមិនរាងចាលដេប៉ូនេះត្រូវប្រឈមនឹងការបិទធ្វើអាជីវកម្មទាំងស្រុង៕ ដោយ ៖ បញ្ញាស័ក្តិ
