Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ថៅកែ​សិប្បកម្ម​ផលិត​ក្រដាស​ជនជាតិ​ចិន គៀប​ចូល​ម៉ាស៊ីន​ស្លាប់​

spot_img

ភ្នំពេញ ៖ ថៅកែ​ជនជាតិ​ចិន​ម្នាក់​ជា​ម្ចាស់ រោង​សិប្បកម្ម​ផលិត​ក្រដាស​មួយ​កន្លែង​គ្មាន​ស្លាក​យីហោ ត្រូវបាន​ម៉ាស៊ីន​ផលិត​ក្រដាស​ស្រូប​ចូល គៀប​ជាប់​ក្នុង​ម៉ាស៊ីន​ស្លាប់​ភ្លាមៗ ប៉ុន្តែ​សព​ជនរងគ្រោះ ត្រូវបាន​ខាង​រោង​សិប្បកម្ម លួច​ដឹក​ចេញ​ស្ងាត់ៗ ទៅ​តម្កល់​នៅ​វត្ត​ស្ទឹងមានជ័យ ដើម្បី​បំបិទ​ភស្តុតាង​។​ដំណឹង​នៃ​ការស្លាប់​ជនជាតិ​ចិន​រូបនេះ បានដឹង​ដល់​សមត្ថកិច្ច​នៅ​ព្រឹក​ថ្ងៃទី​៩ ខែ​ធ្នូ ឆ្នាំ​២០១៧​នេះ​។ ប៉ូលិស​បាន​បញ្ជាក់ថា ហេតុការណ៍​ជនជាតិ​ចិន​ស្លាប់​បាន​កើតឡើង​តាំង​ពី​រសៀល​ថ្ងៃ​ទី​៧​ធ្នូ​មកម្ល៉េះ ស្ថិតនៅ​ក្នុង​សិប្បកម្ម​ផលិត​ក្រដាស​គ្មាន​ស្លាក់​យីហោ ស្ថិតនៅក្នុង​ភូមិ​ព្រៃ​ល្ង សង្កាត់​ចោមចៅ​២ ខណ្ឌ​ពោធិ៍​សែន​ជ័យ​។

​​មន្ត្រីនគរបាល​រូបនោះ បាន​បង្ហើប​ឱ្យដឹង​ទៀត​ថា សព​ជនរងគ្រោះ​ត្រូវ​គេ​ស្គាល់​ឈ្មោះ​ថា TUO YANGJIAN អាយុ​៣៩​ឆ្នាំ ជា​ជនជាតិ និង​ជា​ថៅកែ​សិប្បកម្ម​នោះ​ផង​ដែរ និង​ស្នាក់នៅ​ក្នុង​ភូមិ​កើតហេតុ​ខាងលើ​។ បច្ចុប្បន្ន​សព​ជនរងគ្រោះ ត្រូវបាន​គេ​លួច​ដឹក​ចេញ​ពី​រោង​សិប្បកម្ម ទៅ​តម្កល់​នៅ​វត្ត​ស្ទឹងមានជ័យ​ស្ងាត់ៗ ដើម្បី​ពង្វាង​ដាន និង​បំបិទ​ភស្តុតាង​។​មន្ត្រីនគរបាល​រូបនោះ បាន​បន្ត​ឱ្យដឹងទៀតថា ករណី​ខាងលើ​នេះ​ត្រូវ​បាន​បែក ធ្លាយ​ព័ត៌មាន​កាលពី​ម្សិលមិញ ភ្ញាក់ផ្អើល​ដល់​មន្ត្រីនគរបាល​មូលដ្ឋាន​ចុះ​ទៅ​ពិនិត្យ និង​កោសល្យវិច័យ​ភ្លាមៗ​។​

​អ្នក​នៅ​កន្លែងកើតហេតុ​បានឱ្យដឹងថា​៖​នៅ​មុនពេល​កើតហេតុ ជនរងគ្រោះ​រួម​ជាមួយ​កម្មករ​របស់​ខ្លួន សរុប​ចំនួន​៧​នាក់ បាន​ធ្វើ​ការងារ​ជាធម្មតា​។ លុះដល់​ពេល​កើតហេតុ ខណៈពេល​កំពុង​ធ្វើការ​សុខៗ ស្រាប់តែ​ម៉ាស៊ីន​សង្វាក់​ផលិតកម្ម​បាន​គាំង​មិន​ដំណើរការ ។ ភ្លាមៗ​នោះ​ជនរងគ្រោះ​បាន​ធ្វើ​ការត្រួតពិនិត្យ លុះ​ពេល​កំពុង​លូក​ដៃ​ទាញ​ក្រដាស​ចេញពី​រ៉ូឡូ​ម៉ាស៊ីន ស្រាប់តែ​ម៉ាស៊ីន​នោះ​បាន​ដំណើរការ​ឡើងវិញ ពេលនោះ​ជនរងគ្រោះ​ដក​ដៃ​មិនទាន់ បណ្ដាល​ឲ្យ រ៉ូឡូ​ម៉ាស៊ីន ស្រូប​គៀប​ដៃ​ទាញ​ចូលទៅ​ក្នុង​ម៉ាស៊ីន​រ៉ូឡូ​នោះ ស្លាប់​ភ្លាមៗ​តែម្ដង​៕ ដោយ​៖​កូឡាប​

spot_img
×