ក្រុងកំពត ៖ កម្លាំងព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តកំពត សហការជាមួយកម្លាំងអធិការដ្ឋាននគរបាលក្រុងកំពត បានចុះបង្ក្រាបមុខសញ្ញាជួញដូរ និងប្រើប្រាស់គ្រឿងញៀន ១ករណី នៅភូមិសុវណ្ណសាគរ សង្កាត់កំពង់កណ្តាល ក្រុងកំពត កាលពីរសៀលថ្ងៃអាទិត្យ ខែធ្នូ ឆ្នាំ២០១៧។
យុទ្ធនាការនេះ សមត្ថកិច្ច បានឃាត់ខ្លួនជនសង្ស័យចំនួន ៤ នាក់ រួមមាន ៖ ១.ឈ្មោះ ម៉ាន់ ចាន់សិលា ភេទប្រុស អាយុ ២៧ ឆ្នាំ នៅភូមិកំពង់បាយខាងជើង សង្កាត់កំពង់បាយ ក្រុងកំពត ។ ២.ឈ្មោះ សាន់ សុភ័ក្រ ភេទប្រុស អាយុ ១៧ ឆ្នាំ នៅភូមិទទឹងថ្ងៃ ឃុំបឹងទូកស្រុកទឹកឈូ ខេត្តកំពត ។ ៣.ឈ្មោះ សាន់ សុភាក់ ភេទប្រុស អាយុ ១៧ ឆ្នាំ នៅភូមិទទឹងថ្ងៃ ឃុំបឹងទូក ស្រុកទឹកឈូ ខេត្តកំពត ។ ៤.ឈ្មោះ សើ ម៉ាត់ ភេទប្រុស អាយុ ២៧ ឆ្នាំ នៅភូមិកំពង់ត្រៀក ឃុំជុំគ្រៀល ស្រុកទឹកឈូ ខេត្តកំពត និងដកហូតថ្នាំញៀនបានចំនួន ០២ កញ្ចប់តូច។
មន្ត្រីនគរបាកក្រុងកំពត បានឲ្យដឹងថា បច្ចុប្បន្នជនសង្ស័យទាំង ៤នាក់ សមត្ថកិច្ច កំពុងកសាងសំណុំរឿង ទៅកាន់សាលាដំបូងខេត្តកំពត ដើម្បីបន្តអនុវត្តតាមនីតិវិធីច្បាប់៕ ដោយ៖ សុគន្ធ
