ភ្នំពេញ ៖ បើតាមផេករបស់ប៊ុនរឿន ប្រុសស្អាតខណ្ឌជ្រោយចង្វានៅរសៀលថ្ងៃចន្ទនេះ បានបញ្ជាក់ថា លោក ឃ្លាំង ហួតអភិបាលខណ្ឌជ្រោយចង្វា ៖ សូមបិទជាបន្ទាន់ ក្នុងទឹកដីខណ្ឌជ្រោយចង្វា គឺគ្មានល្បែងស៊ីសងគ្រប់ប្រភេទដាច់ខាត ទោះជាមានច្បាប់ក៏ដោយ អ្នកអនុញ្ញាតិច្បាប់ត្រូវទទួលខុសត្រូវមុខ ច្បាប់ខ្លួនឯង គណៈបញ្ជាការខណ្ឌមិនទទួលដឹងលឺឡើយ ព្រោះពាក្យថាល្បែងគ្មានចំណេញអ្វីដល់សង្គមទេ ហើយក៏គ្មានចំណូលអ្វីដល់រដ្ឋដែរ ក្រៅតែពីបំផ្លាញដល់សង្គមជាតិ នឹងប្រជាជន។
កន្លែងបើកល្បែងភ្នាល់មួយកន្លែង ជ្រកក្រោមស្លាក អុីនធេីណែត រៀបចំរួចអស់ហើយ ចាំតែដេញវេលាល្អតែប៉ុណ្ណោះ ត្រូវបាន លោក ឃ្លាំង ហួត ជំនួយការសម្ដេចតេជោ ហ៊ុនសែន នឹងជាអភិបាលខណ្ឌជ្រោយចង្វា ទទួលបានដំណឹងភ្លាម បញ្ជាគណៈបញ្ជាការឯកភាពខណ្ឌចុះបិទភ្លែត ។
នារសៀលម៉ោង២៖៣០នាទីថ្ងទី១១ធ្នូនេះ គណៈបញ្ជាការឯកភាពរដ្ឋបាលខណ្ឌ ដឹកនាំដោយលោក ហ៊ុយ សារុណ អភិបាលរងខណ្ឌ បាន ដឹកនាំកម្លាំងចំរុះចុះពិនិត្យទីតាំងផ្ទះល្វែងលេខA០៤ បុរី River Town ភូមិ៣ សង្កាត់ជ្រោយចង្វារ ដែលសង្ស័យថាបើកល្បែងភ្នាល់តាមប្រព័ន្ធអនឡាញ។
អ្នកគ្រប់គ្រងបានអះអាងថាទីតាំងនេះទើបតែបើកបាន២-៣ថ្ងៃប៉ុណ្ណោះ រួចបិទវិញ ព្រោះកំពុងស្នើសុំច្បាប់អនុញ្ញាត។
ក្រោយពីបានស្តាប់ការអះអាងរបស់អ្នកគ្រប់គ្រងរួចហើយ លោកអភិបាលរង បានណែនាំឱ្យបិទទាំងស្រុង រដ្ឋបាលខណ្ឌមិនអនុញ្ញាតឱ្យបើកជាដាច់ខាត ពុំដូច្នោះទេនឹងចាត់វិធានការតាមនិតិវិធី។
សូមជំរាបជូនប្រជាពលរដ្ឋទូទាំងខណ្ឌជ្រោយចង្វាបើបានដឹង ឬមានដំណឹងពីការបើកល្បែងស៊ីសង គ្រប់ប្រភេទ សូមមេត្តាចូលរួមផ្ដល់ដំណឹងជាសំងាត់មក តាមរយះfacebook របស់ខ្ញុំបាទប៊ុនរឿន ប្រុសស្អាតខណ្ឌជ្រោយចង្វា ៕ ដោយ៖បញ្ញាស័ក្តិ
