ខេត្តស្វាយរៀង ៖ នៅយប់ថ្ងៃទី៣១ខែឆ្នូឆ្នាំ២០១៨នេះដែលជាថ្ងៃឆ្លងឆ្នាំសកល២០១៩នោះនៅតាមទីសាធារណៈក្នុងក្រុងស្វាយរៀងក៏ដូចជាក្នុងខេត្តស្វាយរៀងទាំងមូលគេសង្កេតឃើញថាមានសភាពស្ងប់ស្ងាត់ខុសពីថ្ងៃធម្មតាដោយគេសង្កេតពុំឃើញមានការរៀបចំបង្កើតកម្មវិធីទទួលអបអរសាទរបុណ្យឆ្លងចូលឆ្នាំសកល រឺគេហៅថាខោនដោន(count down) នោះដែរ ។
ក៏ប៉ុន្តែបើយើងក្រឡេកមកមើលការជួបជុំគ្នានៅតាមខ្នងផ្ទះរបស់ពលរដ្ឋនៅតាមបណ្តាផ្ទះរបស់បងប្អូនប្រជាពលរដ្ឋវិញ យើងឃើញមានការរៀបចំកម្មវិធីជួបជុំបងប្អូនសាច់ញាតិដោយក្តីសប្បាយរីករាយដោយបងប្អូនប្រជាពលរដ្ឋមួយចំនួនបានធ្វើដំណើរកំសាន្តទៅលេងតាមរមណីយដ្ឋាននានាក្រៅខេត្តជាលក្ខណៈគ្រួសារផងដែរទាំងនេះបានសបញ្ជាក់អោយឃើញថាប្រទេសជាតិយើងមានសុខសន្តិភាពពេញលេញ ។
បើតាមប្រសាសន៏របស់លោក វុធ ដែលជាប្រជាពលរដ្ឋរស់នៅភូមិ ទាហានលើ សង្កាត់ ស្វាយតឿ ក្រុង ស្វាយរៀងខេត្តស្វាយរៀងបានអោយដឹងថា៖បើទោះបីជាថ្ងៃឆ្លងឆ្នាំសកលនេះមិនមែនជាពិធីបុណ្យប្រពៃណីខ្មែរក៏ពិតមែនប៉ុន្តែពលរដ្ឋលើសកលលោកគេតែងតែប្រារព្ធធ្វើកម្មវិធីសប្បាយៗដោយមានការជួបជុំគ្នាជាលក្ខណៈគ្រួសារដោយមានការហូបចុករាំច្រៀងកំសាន្តលេងជួបជុំគ្នាផងដែរ ។
លោកបានបន្តទៀតថា៖លោកសប្បាយចិត្តខ្លាំងណាស់ដោយមើលឃើញប្រទេសជាតិមាន សុខសន្តិភាព ស្ថេរភាពនយោបាយល្អ ក្រោមការដឹកនាំរបស់រាជរដ្ឋាភិបាលកម្ពុជាបច្ចុប្បន្ននេះមានការអភិវឌ្ឍរីកចម្រើនតាំងពីទីក្រុងរហូតដល់ជនបទជាពិសេសខេត្តស្វាយរៀងយើងមាន ផ្លូវថ្នល់ ស្ពាន សួនច្បារ ច្រាំងទន្លេវៃ៉៉គោ ដែលសមិទ្ធផលថ្មីៗទាំងអស់នេះបានកើតមាននៅក្នុងខេត្តស្វាយរៀង។ក្នុងនោះក៏សង្កេតឃើញមានការអភិវឌ្ឍរីកចម្រើនច្រើនផងដែរនៅក្នុងខេត្តស្វាយរៀងដោយការបង្កើតឱ្យមាន រោងចក្រ សហគ្រាស ជាច្រើនដែលធ្វើអោយពលរដ្ឋក្នុងខេត្ត.ក្រៅខេត្តមានការងារធ្វើមិនធ្វើចំណាកស្រុកទាំងប្រថុយប្រថាននិងកាត់បន្ថយភាពក្រីក្រក្នុងជីវភាពរស់នៅរបស់បងប្អូនប្រជាពលរដ្ឋបានមួយកំរឹតទៀតផងដែរ ៕ ដោយ ៖ វ៉ៃគោ
