ថ្មីៗនេះ បុរសម្នាក់ បានបង្ហោះរូបភាពរថយន្តទំនើបរបស់ខ្លួន ដែលពោរពេញដោយស្នាមក្រញ៉ៅ កំពិត… ឡើងបណ្តាញសង្គម Facebook ។ ក្រោយស្រាវជ្រាវរកប្រភពទើបដឹងថា ព្រោះតែតួរថយន្តរបស់គាត់ត្រូវបានលាងសម្អាតប៉ូលាឡើងរលើបរលោង “ឆ្លុះមុខ” បាន ជាហេតុធ្វើឲ្យសុនកមួយក្បាល ចៃដន្យដើរកាត់ហើយងាកសម្លឹងមើលឃើញ មាន “ឆ្កែ” ១ក្បាលទៀត កំពុងសម្លស់សម្លឹងខ្លួន ធ្វើតម្រាប់តាមទៀត បងសុនកទ្រាំលែងបានក៏ស្ទុះទៅប្រដៅវាឲ្យដឹងដៃម្តង។
ពិតណាស់! ឆាកប្រយុទ្ធនេះពុំមានអ្នកឈ្នះទេ រីឯបងសុនកចិត្តខ្លាំង ក្រោយពី “វាយប្រហារ” សត្រូវមួយចម្អែតឃើញវានៅដដែល…ហល់ពេកក៏ចាកចេញទៅ។
វាពិតជាបទពិសោធន៍ ពុំអាចមើលរំលងមែនទេ ប្រិយមិត្តដែលមានរថយន្តទំនើបៗ រួចនិយមបើកបរខ្លួនឯង?
