ភ្នំពេញ ៖ នៅយប់ថ្ងៃទី១៣ ខែមករា ឆ្នាំ ២០១៩នេះ លោក សុខ សុវណ្ណវឌ្ឍនាសាប៊ុង ហៅវិល្លាម ជាប្រធានបក្សខ្មែរក្រោក និងជាសមាជិកឧត្តមក្រុមប្រឹក្សាពិគ្រោះនិងផ្ដល់យោបល់ បានបកអាក្រាតរឿងរបស់នាយឧត្តមសេនីយ៍ ផ្កាយ៤ ធឹម សុផា បង្កើតពូជនិយមក្នុងអគ្គនាយកដ្ឋានសវនកម្មផ្ទៃក្នុង នៃក្រសួងមហាផ្ទៃ ខណៈសាច់ញាតិរបស់លោកផ្កាយ ៤ រូបនោះ នៅវ័យក្មេង និងទើបចូលក្របខ័ណ្ឌនគរបាល មួយឆ្នាំ ពីរឆ្នាំ ឬបីឆ្នាំ ប៉ុន្តែឡើងស័ក្តិ ដូចឡើងកាំជណ្ដើរ ។
ក្នុងផេកហ្វេសប៊ុក សមាជិកឧត្តមក្រុមប្រឹក្សាពិគ្រោះនិងផ្ដល់យោបល់ ពីគណបក្សខ្មែរក្រោក បានស្រាវជ្រាវរកឃើញថា មានសែស្រឡាយនាយឧត្តមសេនីយ៍ធឹម សុផា ក្នុងអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃរួមមាន ៖
១- លោកឧត្តមសេនីយ៍ទោ សុក្រឹត្យ ថនឥស្សរា អគ្គនាយករង ត្រូវជាកូនប្រសារ និងជាប្តីរបស់លោកស្រីអនុសេនីយ៍ឯក ណយ ចរិយា ត្រូវជាកូនប្រសារលោក ធឹម សុផា (២ឆ្នាំឡើងពិនាយរងការិយាល័យដល់អគ្គនាយករង និងពីសក្តិ៣ដល់ផ្កាយ២ កំពុងធ្វើសំណើសុំផ្កាយ៣) ។
២- លោកវរសេនីយ៍ត្រី ណយ សុភិរុណ អនុប្រធាននាយកដ្ឋានសវនកម្មទី១ ត្រូវជាកូនរបស់ ធឹម សុផា មានវ័យ២១ឆ្នាំ រៀនអត់ចប់ទី១២ (២ឆ្នាំឡើងពីព្រឹន្ទបាលដល់សក្តិ៤ កំពុងស្នើសុំ៤កន្លះ និងផ្លោះពីនាយរងការិយាល័យ ទៅជាអនុប្រធាននាយកដ្ឋាន) ដោយមានគោលបំណងស្នើសុំឡើងតួនាទីជាអគ្គនាយករងនៅឆ្នាំ២០២០ មុនឪចូលនិវត្ត ២០២០ ។
៣- លោកស្រីវរសេនីយ៍ទោ ណយ សុផារត្ន ត្រូវជាកូនរបស់លោក ធឹម សុផា នាយរងការិយាល័យបុគ្គលិក (កំពុងស្នើសុំឡើងជាអនុប្រធាននាយកដ្ឋានរដ្ឋបាល-សរុប) ពុំដែលមកធ្វើការ ប៉ុន្តែសក្តិ និងតួនាទីឡើងលឿនជាងអ្នកសកម្មការងារ ។
៤- លោកវរសេនីយ៍ទោ ស វុត្ថា ត្រូវជាកូនប្រសារលោក ធឹម សុផា (ប្តីរបស់ណយ សុផារត្ន) ជានាយរងការិយាល័យភស្តុភារ និងគណនេយ្យ កំពុងស្នើឡើងជាអនុប្រធាននាយកដ្ឋានសវនកម្មទី១ (ចូលក្របខណ្ឌឆ្នាំ២០១៧) ។
៥- លោកស្រី អនុសេនីយ៍ឯក ណយ ចរិយា ត្រូវជាកូនរបស់ លោក ធឹម សុផា (ប្រពន្ធរបស់ សុក្រឹត្យ ថនឥស្សរា) ជានាយរងការិយាល័យវិភាគពត៌មានសវនកម្ម ចូលក្របខណ្ឌឆ្នាំ២០១៨ (១ឆ្នាំឡើងសក្តិ៣ដង) ។
៦- លោកឧត្តមសេនីយ៍ទោ ណយ សុផានរិន្ទ ត្រូវជាកូនរបស់លោក ធឹម សុផា អនុប្រធាននាយកដ្ឋាននៅអគ្គភស្តុភារ កំពុងផ្ទេរមកជាអគ្គនាយករងសវនកម្មផ្ទៃក្នុង ។
៧- លោកឧត្តមសេនីយ៍ទោ សាន ស៊ីណា ត្រូវជាប្អូនថ្លៃ ប្រធាននាយកដ្ឋានសវនកម្មទី១ ។
៨- លោក ស វុទ្ធី ត្រូវជាដន្លងលោក ធឹម សុផា (ឪពុករបស់ស វុត្ថា) ជាអនុប្រធាននាយកដ្ឋានសវនកម្មទី២ កំពុងស្នើឡើងជាអគ្គនាយករង ។
៩- លោកវរសេនីយ៍ត្រី គូ ប្រុស ត្រូវជាក្មួយប្រុសលោក ធឹមសុផា កាន់នាយរងការិយាល័យសវនកម្មទី៣ ។
១០- លោកវរសេនីយ៍ត្រី ហាវ ហឿម ត្រូវជាក្មួយលោក ធឹមសុផា កាន់ដំណែងជានាយរងការិយាល័យសវនកម្មទី២ ។
១១- លោកវរសេនីយ៍ទោ អ៊ុង សាខន (ពូរបស់សុក្រឹត្យ ថនឥស្សារា) នាយរងការិយាល័យរដ្ឋបាល កំពុងស្នើឡើងជាអនុប្រធាននាយកដ្ឋានរដ្ឋបាល-សរុបក្រៅពីនឹងនៅមានក្មួយ ប្អូនជីដូនមួយ និងសាច់ថ្លៃជាច្រើននាក់ទៀតដែលបម្រើការងារក្នុងអង្គភាពតែមួយ។
ករណីនេះសមាជិកឧត្តមក្រុមប្រឹក្សាពិគ្រោះនិងផ្ដល់យោបល់ពីគណបក្សខ្មែរក្រោក នឹងតាមស្រាវជ្រាវយកភស្តុតាងដើម្បីសាកសួរសម្ដេចក្រឡាហោម សខេង ដើម្បីដោះស្រាយបញ្ហា ក្រសួងគ្រួសារនិយម ខណៈដែលពលរដ្ឋជាច្រើនមិនត្រូវមានឱកាសកាន់កិច្ចកាទាំងនោះ ព្រោះ អគ្គនាយកដ្ឋាន ប្រគល់អោយគូច ធឹម សុផា អស់ទៅហើយ ។ ករណីនេះមិនអាចលើកលែងបានទេ «មិនអោយរួចខ្លួនដាច់ខាត» ។
ករណីនេះសមាជិកឧត្តមក្រុមប្រឹក្សាពិគ្រោះនិងផ្ដល់យោបល់ពីគណបក្សខ្មែរក្រោក នឹងតាមស្រាវជ្រាវយកភស្តុតាងដើម្បីសាកសួរសម្ដេចក្រឡាហោម សខេង ដើម្បីដោះស្រាយបញ្ហា ក្រសួងគ្រួសារនិយម ខណៈដែលពលរដ្ឋជាច្រើនមិនត្រូវមានឱកាសកាន់កិច្ចកាទាំងនោះ ព្រោះ អគ្គនាយកដ្ឋាន ប្រគល់ឲ្យគូច ធឹម សុផា អស់ទៅហើយ ។ ដោយលោកបញ្ជាក់ថា ករណីនេះមិនអាចលើកលែងបានទេ “មិនឲ្យរួចខ្លួនដាច់ខាត”។
នេះជាការរកឃើញជាក់ស្ដែង នូវនគរបាលគ្រួសារ ក្រោយបែកធ្លាយរូបថត និងមានអ្នករិៈគន់ នៅក្នុងបណ្ដាញព័ត៌មានហ្វេកប៊ុកពីរមួយទៅមួយ។ ទោះយ៉ាងណា អ្នកយកព័ត៌មានមិនអាចទំនាក់ទំនងលោកផ្កាយ៤ ដើម្បីបំភ្លឺបានទេ៕ ដោយ ៖ រចនា
