Wednesday, June 19, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

សម្តេច​ហេង សំរិន ស្នើ​ឲ្យ​សិក្សា​អំពី​ផលប៉ះពាល់ នៃ​បដិវត្តន៍​ឧស្សាហកម្ម​ទី​៤ ដែលមាន​ផលប៉ះពាល់​មកលើ​ស្ត្រី និង​ក្មេងស្រី​

spot_img

​សៀមរាប ​៖ ក្នុងនាម​ជា​ប្រធាន​វេទិកាសភា​អាស៊ី​-​ប៉ាស៊ីហ្វិក សម្តេច​អគ្គ​មហា​ពញា​ចក្រី ហេង សំរិន បាន​អញ្ជើញ​ជា​អធិបតីភាព​បើក​កិច្ចប្រជុំ​សមាជិកសភា​ស្ត្រី​APPF នៅ​រសៀល​ថ្ងៃទី​១៤ ខែមករា ឆ្នាំ​២០១៩ នៅ​សណ្ឋាគារ​សុខា​សៀមរាប​។​

​សម្តេច​បានលើកឡើង​ពី​សារសំខាន់ របស់​ស្ត្រី​នៅក្នុង​សង្គម នៅពេល​ដែលមាន​ការរីក​ចម្រើន​ខ្លាំង ផ្នែក​បច្ចេកវិទ្យា និង​សំណូមពរ​ឱ្យ APPF បន្ត​ផ្តោតអារម្មណ៍ និង​បង្កើន​កិច្ចសហការ ប្រឹងប្រែង​របស់​យើង​ទ្វេរ​ដង​ច្រើនឡើង​ថែមទៀត ដើម្បី​សម្រេច​ឱ្យបាន​នូវ​សុខសន្តិភាព ស្ថិរភាព សណ្តាប់ធ្នាប់​សង្គម និង​ស​ម្រ​ច​បាន​នូវ​គោលដៅ​អភិវឌ្ឍន៍ ប្រកបដោយ​ចីរភាព គោលដៅ​ទី​៥ របស់​អង្គការសហប្រជាជាតិ ។​

​ទន្ទឹមនឹងនេះ សម្តេច បានស្នើ​ឱ្យមាន​យន្តការ​តាមដាន វាយតម្លៃ​និង​រៀនសូត្រ​អំពី​សមភាព​យេនឌ័រ និង​ផ្តល់​ភាព​អង់អាច​ដល់​ស្ត្រី សំដៅ​បង្កើន​ការចូលរួម​របស់​ស្ត្រី ក្នុង​ទីផ្សារពលកម្ម និង​ចាប់យក​ឱ្យបាន​នូវ​តំណែង​ជា​អ្នកដឹកនាំ ក៏ដូចជា​ការជំរុញឱ្យ​ស្ត្រី ចូលរួម​នៅក្នុង​ការធ្វើ​សេចក្តីសម្រេចចិត្ត ផ្នែក​នយោបាយ និង​កសាង​នូវ​យន្តការ គាំពារ​សុវត្ថិភាព​សង្គម ចំពោះ​ស្ត្រី​និង​ក្មេងស្រី​។​

​ជាមួយ​ការលើកទឹកចិត្ត​ដល់​កិច្ចប្រជុំ​ពិភាក្សាគ្នា ដោយ​បើកចំហ ដើម្បី​ដោះស្រាយ​បញ្ហា​រួម សម្តេច​បានផ្តល់​អនុសា​សន៍​មួយ​ចំនូ​ន ដូចជា​បង្កើតឱ្យមាន​ក្រុមការងារ សម្រាប់​សិក្សា​អំពី​ផលប៉ះពាល់ នៃ​បដិវត្តន៍​ឧស្សាហកម្ម ទី​៤ ជាពិសេស​ផលប៉ះពាល់​មកលើ​ស្ត្រី និង​ក្មេងស្រី ដែល​អាច​ទាញយក​ផលប្រយោជន៍ ពី​ការប្រើប្រាស់​បច្ចេកវិជ្ជា​ថ្មីៗ​ទាំងនោះ មាន​គោលនយោបាយ​អប់រំ​ប្រកបដោយ​ចីរភាព និង​ទូលំទូលាយ និង​ត្រូវ​បែងចែក​ថវិការដ្ឋ ឱ្យបាន​ច្រើន​សម្រាប់​ជំរុញ​ការអប់រំ​ស្រី្ត​វ័យក្មេង នៅក្នុង​វិស័យ វិទ្យាសាស្ត្រ បច្ចេកវិទ្យា វិស្វកម្ម និង គណិតវិទ្យា​(​ស្ទែ​ម​)​។ លើសពីនេះទៅទៀត សម្តេច បានឱ្យ​បង្កើន​ការយកចិត្តទុកដាក់ ក្នុង​អប់រំ​មូលដ្ឋាន សម្រាប់​ក្មេងស្រី ដែល​រស់នៅ​តំបន់​ដាច់ស្រយាល និង​ងាយ​រងគ្រោះ ។ រាល់​ប្រព័ន្ធ​គាំពារ​សង្គម​ទាំងអស់ ត្រូវមាន​ការយកចិត្ត​ទុកដាក់​ដល់​ស្ត្រី និង​ក្មេងស្រី ។​

​តាមរយៈ​វេទិកា​នេះ សម្តេច បាន​អំពាវនាវ​ឱ្យ​បង្កើន​ភាគរយ​សមាជិក​ភាពជា​ស្ត្រី ក្នុង​ក្របខ័ណ្ឌ​នីតិប្បញ្ញត្តិ នីតិប្រតិបត្តិ និង​តុលាការ ព្រមទាំង​វិស័យ​ឯកជន​។​

​សូមជម្រាបថា កិច្ចប្រជុំ​សមាជិកសភា​ស្ត្រី​APPF ជា​កិច្ចប្រជុំ​មួយ ក្នុងចំណោម​វិស័យ​នានា ដែល​កិច្ចប្រជុំ​ប្រចាំឆ្នាំ APPF ត្រូវ​លើក​មក​ជជែក​ពិភាក្សា​។​

​បន្ទាប់មក លោកស្រី ឃួន សុ​ដា​រី អនុប្រធាន​ទី​២​រដ្ឋសភា និង​ជា​ប្រធាន​កិច្ចប្រជុំ​សមាជិកសភា​ស្ត្រី APPF បាន​ដឹកនាំ​កិច្ចប្រជុំ​សមាជិកសភា​ស្ត្រី APPF នៅ​រសៀល​ថ្ងៃទី​១៤​ខែមករា ឆ្នាំ​២០១៩ នៅ​សណ្ឋាគារ​សុខា​សៀមរាប​។​

​លោកស្រី​ប្រធាន​កិច្ចប្រជុំ បាន​លើកឡើងថា កិច្ចប្រជុំសភា​ស្ត្រី​នៅ​កម្ពុជា​នាឱកាស​នេះ ជា​កិច្ចប្រជុំ​ប្រវត្តិសាស្ត្រ​។ ប្រវត្តិសាស្ត្រ​ដោយសារ​មកដល់ពេលនេះ APPF បាន​បង្កើតឡើង​អស់​រយៈពេល​២៧​ឆ្នាំ​ហើយ តែ​កិច្ចប្រជុំ​សមាជិកសភា​ស្ត្រី ទើបតែ​ក្លាយជា​កិច្ចប្រជុំ​ផ្លូវការ​លើកដំបូង របស់ APPF​នៅ​កម្ពុជា​នាពេលនេះ​ទេ​។​

​សមាជិក APPF ដែល​បាន​ចូលរួម​ប្រជុំ​កិច្ចប្រជុំ​សមាជិកសភា​ស្ត្រី​នេះ មាន​ទាំង​ស្ត្រី​និង​បុរស បាន​ជជែក​លើ​ប្រធានបទ​ចំនួន​៣​។ ប្រធានបទ​ទាំងបី​នោះ​មាន ទី​១ ការពង្រឹង​ភាពជា​ដៃគូ​នៃ​តំបន់​អាស៊ី​ប៉ាស៊ីហ្វិក ដើម្បី​សមភាព​យេនឌ័រ និង​ការផ្តល់​ភាព​អង់អាច​ដល់​ស្ត្រី និង​ក្មេងស្រី ដើម្បី​សន្តិភាព និង​ការអភិវឌ្ឍ​ប្រកបដោយ​ចីរភាព​។ ប្រធានបទ​ទី​២ ការធានា​នូវ​សមភាព​រវាង​ស្ត្រី និង​បុរស ឲ្យ​ទទួលបាន​ការអប់រំ ការបណ្តុះបណ្តាល​បច្ចេក​ទេស និង​បច្ចេកវិទ្យា​ព័ត៌មាន ដើម្បី​សន្តិភាព និង​សម្រេចបាន​នូវ​គោលដៅ​អភិវឌ្ឍ​ប្រកបដោយ​ចីរភាព និង​ប្រធានបទ​ទី​៣ គឺ លើកកម្ពស់ សមភាព​យេនឌ័រ និង​ការផ្ដល់​ភាព​អង់អាច​ដល់​ស្ត្រី​តាមរយៈ​ការបង្កើន​ការចូលរួម​របស់​ស្ត្រី​ក្នុង​ការធ្វើ​សេចក្ដីសម្រេច​នៅ​គ្រប់​កម្រិត​។​

​លោកស្រី ឃួន សុ​ដា​រី បាន​លើកឡើងថា សមាជិក​កិច្ចប្រជុំ បាន​ចាប់អារម្មណ៍​ជាខ្លាំង​ទៅលើ​ប្រធានបទ ហើយ​ពួ​គាត់​បាន​លើកឡើងថា​ស្ត្រី​ជា​ធនធានមនុស្ស​សំខាន់​ណាស់ ដែល​ជំរុញ​សុខសន្តិភាព​។ ជា​សុខសន្តិភាព និង​សុភមង្គល​នៅក្នុង​សង្គម​គ្រួសារ​និង​សង្គមជាតិ​។ លោក​បាន​គូសបញ្ជាក់ថា វិសមភាព​រវាង​បុរស​និង​ស្ត្រី នៅ​កើតមាន​គ្រប់កន្លែង ដូច្នេះ​ទាមទារ​ឲ្យ​មានការ​គិតគូ​ជារួម ដើម្បី​ស្ត្រី​បាន​ចូលរួម​ការងារ ជា​អ្នកសម្រេចចិត្ត​ទាំង​ខាង​វិសយ​ឯកជន​និង​រដ្ឋ​។​

​នៅក្នុង​កិច្ចប្រជុំ​នេះ គណៈប្រតិភូ​សភា​កម្ពុជា ដែល​ដឹកនាំ​ដោយ​លោកស្រី ឡោក ខេង បានលើកឡើង​ផងដែរ ពី​កិច្ចខិតខំ​លើកកម្ពស់​ស្ត្រី របស់​រាជ​រដ្ឋា​ភិ​បាក​កម្ពុជា ដូច​ជាការ​គាំពារ​ផ្នែក​សង្គម​ដល់​ស្ត្រី​។ ស្ត្រី ធ្វើ​ការងារ​នៅក្នុង​ឧស្សាហកម្ម​កាត់ដេរ និង​ស្បែកជើង​នៅ​កម្ពុជា ពេល​ពពោះ និង​សម្រាល ទទួលបាន​ប្រាក់ឧបត្ថម្ភ និង​ការឈប់​សម្រាប់​ពិសេស​ការទទួល​ប្រាក់បៀវត្ស​រ៍​១២០​ភាគរយ​៕ ​ដោយ ​៖​ រចនា​

spot_img
×