Friday, February 23, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ប្រធានរដ្ឋសភា​វៀតណាម បាន​គាំទ្រ​យ៉ាងខ្លាំង ចំពោះ​កិច្ចប្រជុំ APPF ដែល​កម្ពុជា​ធ្វើជា​ម្ចាស់ផ្ទះ​

spot_img

​នៅ​ព្រឹក ថ្ងៃទី​១៥ ខែ​មករា ឆ្នាំ​២០១៩​នេះ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​អញ្ជើញ​ជួបពិភាក្សា​ការងារ​ជាមួយ លោកជំទាវ Nguyen Thi Kim Ngan ប្រធានរដ្ឋសភា​វៀតណាម នៅ​ណ្ឋា​គារ​សុខា​សៀមរាប។​

​លោកជំទាវ ប្រធានរដ្ឋសភា​ព មាន​សេចក្តីសោមនស្ស​រីករាយ និង​បាន​អបអរសាទរ​ជូន​ចំពោះ សម្តេច​តេជោ​នាយករដ្ឋមន្ត្រី អំពី​លទ្ធផល​ល្អ​នៃ​សន្និបាត​គណបក្ស​ប្រជាជន​កម្ពុជា កន្លងមក ព្រម​ទាំង​ការ​ប្រាព្ឋ​ខួប​៤០​ឆ្នាំ​នៃ​ការផ្តួលរំលំ​របប​ប្រល័យ​ពូជសាសន៍ ៧ មករា និង​ខួប ២០​ឆ្នាំ​នៃ​ជោគជ័យ​ក្រោម​នយោបាយ​ឈ្នះ ឈ្នះ របស់​សម្តេច​តេជោ ដែល​បាន​បញ្ចប់​សង្គ្រាម​ស៊ីវិល​ទាំងស្រុង​នៅ​កម្ពុជាជាមួយនឹង​ការសម្ពោធ​វិមាន​ឈ្នះ ឈ្នះ ដែល​បាន​ប្រព្រឹត្តទៅ​យ៉ាង​ឧឡារិ​ក​ត្រចះត្រចង់​និង​ជោគជ័យ​។​

​ក្នុង​ពេល​តែ​រយៈពេល ២​ឆ្នាំ កន្លងមក​ថ្មីៗ​នេះ លោកជំទាវ​បាន​សង្កេតឃើញ កម្ពុជា​មាន​ការអភិវឌ្ឍ​ន៍​យ៉ាង​ឆាប់រហ័ស​។ ទន្ទឹមនឹងនេះ លោកជំទាវ​បាន​កោតសរសើរ​ចំពោះ​ប្រទេស​កម្ពុជា ក្រោម​ការដឹកនាំ​របស់​សម្ដេច​តេជោ​នាយករដ្ឋមន្ត្រី ដែល​បាន​រក្សា​សុខ​សន្តិភាព ស្ថិរភាព និង​មាន​ការអភិវឌ្ឍ​កាន់តែ​រីកចម្រើន​ខ្លាំង​ឡើង​។​

​លោកជំទាវ Nguyen Thi Kim Ngan បាន​ជម្រាបជូន សម្តេច​តេជោ អំពី​ការដឹកនាំ​គណប្រតិភូ​ជាន់ខ្ពស់​នៃ​រដ្ឋសភា​វៀតណាម​មក​កម្ពុជា​រួម មាន​ទាំង​ប្រធាន អនុប្រធាន រួម​នឹង​ប្រតិភូ​ផ្សេងៗ​ជាច្រើន​ទៀត ដើម្បី​មក​ចូលរួម​ក្នុង ពិធី​បើក​កិច្ចប្រជុំ​ប្រចាំ​ឆ្នាំ​នៃ វេទិកា សភា​អាស៊ី​-​ប៉ាស៊ីហ្វិក លើក​ទី​២៧ Asia Pacific Parliamentary Forum (APPF-27) ដែល​ធ្វើឡើង​នៅ​សណ្ឋាគារ​សុខា ខេត្ត សៀមរាប។ ទន្ទឹមនឹងនេះ​ដែរ លោក ជំទាវ​បាន​ក៏​បាន​គាំទ្រ​យ៉ាងខ្លាំង​ចំពោះ​កិច្ចប្រជុំ APPF ដែល​កម្ពុជា​ធ្វើជា​ម្ចាស់ផ្ទះ​នៃ​កិច្ចប្រជុំ​នៅ​នៅ​ព្រឹក​នេះ​។​

​សម្តេច​តេជោ ហ៊ុន សែន នាយករដ្ឋមន្ត្រី​ក៏​បាន​ថ្លែងអំណរគុណ ចំពោះ​វត្តមាន​លោក​ជំទាវ​ប្រធាន​សភា​វៀតណាម និង​ពាក្យពេចន៍​ល្អៗ​ជាមួយនឹង​ការអបអរសាទរ​ចំពោះ​ការរីកចម្រើន​នៃ​ប្រទេស​កម្ពុជា​។ សម្តេច​តេជោ បាន​មានប្រសាសន៍​បញ្ជាក់​ថា ប្រទេស​កម្ពុជា​ដែល​មាន​ការអភិវឌ្ឍន៍​រហូតមកដល់​សព្វថ្ងៃ​នេះ ក៏​បាន​មក​ពី​ការចូលរួមចំណែក​ពី​រដ្ឋាភិបាល និង​ប្រជាជន​វៀតណាម​ផងដែរ​។​

​មុន​នឹង​បញ្ចប់​ការពិភាក្សា សម្តេច​តេជោ ហ៊ុន សែន បាន​ថ្លែងអំណរគុណ​សារជាថ្មី និង​ជូនព លោកជំទាវ Nguyen Thi Kim Ngan ប្រធានរដ្ឋសភា​វៀតណាម និង​សមាជិក​ប្រតិភូ​ជាន់​ខ្ពស់​ទាំង​អស់ ទទួលបាន​ជោគជ័យ​ក្នុង​កិច្ចប្រជុំ APPF-27 ព្រមទាំង​នៅក្នុង​ការប្រកាស​បើក ក្រុមប្រឹក្សា​វ​ប្បធ​ម៍​អាស៊ី (Asian Cultural Council- ACC) នៅ​ទី​លានជល់ដំរី លើ​ទឹកដី​អង្គរ​នៅ​ល្ងាច​នេះ​ផងដែរ​៕​ ដោយ ​៖​ កូឡាប​

spot_img
×