ខ្សែវីដេអូយកចេញពីកាមេរ៉ាសុវត្ថិភាពនាហាង Hamburger មួយ នៅទីក្រុង Bachou ខេត្ត Hebei ប្រទេសចិន បានបង្ហាញឲ្យឃើញទិដ្ឋភាពលោកចោរដែលននលគោក ប្រឹងលូនចូលតាមបំពង់ខ្យល់ដើម្បីប្រកបរបរ…លួច។
គេហទំព័រ Shanghaiist ឲ្យដឹងថា កាលពីថ្ងៃទី ៨/៥ កន្លងមកនៅហាង Hamburger ខាងលើ ប៉ូលិសបានឲ្យដឹងថា ចោរម្នាក់បានជ្រៀតចូលក្នុងហាងក្នុងស្ថានភាព.. ននលគោក ព្រោះត្រូវសម្រាតខោអាវចោលកុំឲ្យទើសពេលប្រតិបត្តិការ។
ខ្សែវីដេអូលោកចោរ លូនចូលលួចក្នុងហាង Hamburger
ក្រោយពេលចូលភ្លាមវាបានសំដៅទៅកេសដាក់លុយ ដើម្បីប្រមែប្រមូល “ជ័យភ័ណ្ឌ” ។ មួយសន្ទុះក្រោយវាក្រឡេកឃើញកាមេរ៉ាសុវត្ថិភាពកំពុងថតរូបវា វាប្រញាប់ប្រញាល់ប្រមែប្រមូលលុយក្នុងថតតុ។
ពេលចេញទៅវិញ លោកចោររូបនេះ នៅឆ្លៀតបិទបាំងកាមេរ៉ាមួយនៅពីមុខ ដោយគិតថា អាចគេចខ្លួនពីការតាមចាប់។
ហាងនេះបញ្ជាក់ថា ជនល្មើសបានលួចលុយអស់ ៨០០យាន់ (ប្រមាណ 125 USD) ។ ប៉ូលិសកំពុងស្វែងរកមុខ…ចោរ Sexy ម្នាក់នេះ។
ពេលដែលខ្សែវីដេអូត្រូវបានបង្ហោះនោះ មានការ Comment បែបកំប្លែង ជាច្រើន ៖ “…ពុំមែនអាក្រាតទាំងស្រុងទេ ព្រោះនៅមានវែនតា!” ឬរាងរៅគួរសមដែរតើ!។
នៅឆ្លៀតបាំងកាមេរ៉ា ប្រហែលនឹកស្មានមានមួយហើយមើលទៅនោះ៕ ចន្ទ្រា